Tō mātou haerenga Tiriti I te tau 2015 i whakaū Te Kāhui Tika Tangata kia tū hei whakahaere pūtake-Tiriti. Nō roto i te 5 tau tae atu ki te tau 2019 i kitea ngā piki me ngā heke ki taua haerenga, ā, nāwai ka puta te whakatau a te poari i te tau 2019 kia whakarewa i taua takohanga mā te hanga, mā te kimi tangata mō tētahi tūranga Pou Ārahi. I whakakīia taua tūranga i te tīmatanga o te tau 2020, ā, kei te arahina e ia a Ahi Kaa (te rōpū tangata whenua), ā, kei a ia te mana motuhake mō ngā tika Te Tiriti o Waitangi, taketake hoki, tae atu hoki ki ngā haepapatanga CEO Tuarua hei whakamana i te ngātahitanga Tiriti ki te whakahaere. I tīmata te Pou Ārahi ki Te Kāhui i te tīmatanga o tētahi mate urutā ā-ao, ā, ka puta mai i tērā te whakarewatanga o te kaupapa pūtake Tiriti mō te katoa o Te Kāhui hei urupare ki KOWHEORI-19. Ki te taha o tā mātou urupare KOWHEORI-19, i aro Te Kāhui ki te whakakā anō i Te Hā o te Tiriti hei kaupapa matua ki roto i Te Kāhui, nā konei i pohewa anō i te pito mata o tētahi whakahaere tika tangata ā-motu e noho taketake ana ki roto i te tino rangatiratanga, i te kāwanatanga, e hanga ana i ngā hononga ki ngā māngai tino rangatiratanga, me te matapae rautaki, te whakamahere, me te rapu i te huarahi kia tū hei whakahaere pūtake Tiriti, tika tangata hoki, tae atu ki te whakaarotau i ngā mahi tūāpapa, i ngā wāhanga hoki. I te marama o Hūrae i te tau 2020 i whakarewaina tā mātou kaupapa Te Hā o te Tiriti me ngā wāhanga kaupapa e whai ake nei: • Wāhanga tahi: te huri i Te Kāhui hei mahi hei whakahaere pūtake-Tiriti rangitahi i roto i āna here o nāianei hei te marama o Hune hei te tau 2022. • Wāhanga rua: te whakahaere i tētahi hātepe tūhononga ka hangaia i runga i Matike Mai Aotearoa hei pohewa anō, hei hoahoa hoki i tētahi whakahaere tika tangata ā-motu pūtake tika tangata, Tiriti hoki, e tū ana ki roto i te wāhi tūhonohono i waenganui i ngā wāhi ngātahitanga me te mana o te tino rangatiratanga (ngā iwi, ngā hapū, ngā whānau) me te kāwanatanga hei te marama o Hakihea hei te tau 2023. Kei roto i tēnei ko te mahere mahi hei whakatinana i te hoahoa hou. • Wāhanga toru: te whakatinana i te mahere mahi ki te whakatū i tētahi whakahaere tika tangata ā-motu pūtake Tiriti, tika tangata hoki hei tauira o Te Tiriti, o Matike Mai Aotearoa, o ngā tika tangata hei te tau 2025. Nō roto i te 15 marama kua pahure ake nei kua oti i a mātou ētahi nekehanga rahi ki mua ki te hononga ki a Pou Tikanga nō te National Iwi Chairs Forum. Hei tauira, i tēnei tau i tāpae mātou i ā mātou Whakapuakanga o te Takunetanga (SOI), Whakapuakanga o ngā Kawatau Mahi (SPE) pūtake Tiriti, tika tangata hoki tuatahi ki te kāwanatanga. Tērā tonu pea, ko mātou te hinonga, tari rānei nō te Karauna tuatahi hei tāpae i tētahi SOI, SPE hoki ka āta whakarite i te wāhi mō ngā tirohanga tino rangatiratanga, kāwanatanga hoki. Ko tō mātou takohanga ko tētahi whakapuakitanga torowhānui o ngā tika tangata, te Tiriti hoki: ngā hononga whakaute, ngā haepapatanga ngātahi, me ngā tika tangata katoa. Tricia Keelan Pou Ārahi 11 | Mahere Rautaki 2021-2025