Te whakaurunga, te ōritenga me te whai wāhitanga Mā Te Kāhui e tuku i tētahi tautoko whaitake, mā te aronga pūtake-Tiriti, tika tangata hoki hei hanga, hei tautīnei i te wawata ngātahi mō te Aotearoa whakauruuru katoa ka whakautetia ngā tika tangata o ngā tāngata katoa. Me mātua noho te whakaurunga ki Aotearoa ki runga i te tūāpapa o te whakamana i te Tiriti o Waitangi. Te Take Me whai ngā tāngata katoa o Aotearoa i te wairua o te whai wāhi, ā, me rāhiri, me whakaute, me uara rātou mō rātou anō, ā, me whai āheinga ōrite kia whakauru ki te pāpori. Me wātea ngā hapori, ngā wāhi mahi, ngā whakahaere hoki i te toihara me te aukati, tae atu hoki ki te toihara ā-pūnaha. Kei te hiahia mātou ki te noho ki tētahi pāpori whakauruuru e hangaia ana ki runga i te tūāpapa o te Tiriti, kei reira te kanorau e uaratia tūturutia ana, kei reira e whai whakaaro ana tātou ki ngā tika tangata o ērā atu i mua i te whakatinana i ngā panoni, kei reira hoki tātou e aro ana tētahi ki tētahi i runga i te atawhai, te aroha, te whakaute anō hoki. Ko te aukati i ngā tāngata whenua, ko te kaikiri ki ngā tāngata whenua he āhuatanga o Aotearoa me aro, me te aronui ki te pono, te manatika, me te noho tahi, kia whai wāhi tātou mō te whakaora, me te tīmatanga hou mō Aotearoa. E mariu ana mātou ki te tini ahureatanga e noho taketake ana ki Te Tiriti. Ngā mahi kokoti Ka whai Te Kāhui Tika Tangata i te aronga pūtake Tiriti, tika tangata hoki ki te whakaurunga, te whai wāhitanga me te ōritenga: Tino rangatiratanga Kāwanatanga Kāwanatanga • Te whakawhiti kōrero mō, te whakatairanga hoki i te hononga i waenganui i te Tiriti o Waitangi me ngā tika tangata • Te whakakupu, whakawhiti kōrero, ā, whakatairanga i te whakaurunga pāpori ki ngā taumata ā-motu, ā-takiwā, ā-rohe hoki • Te whakatairanga i te whakamahinga o te tino rangatiratanga • • Te ine me te pūrongo e pā ana ki ngā tirohanga o ngā tāngata whenua mō te whakauruuru, o te toi whenua Te whakawhanake, tautoko rānei i te whakawhanaketanga o ngā hononga me ngā rautaki hei hanga i te whakaurunga, hei whakaheke rānei i te ‘wairua whakawehe’. • Te uiui ki, pūrongo i, ā, miramira i te ekenga o te hunga kawe haepapa i tā rātou whakatutuki i ō rātou haepapatanga tika tangata, te Tiriti o Waitangi hoki ki ngā tāngata whenua, tae atu ki te tautīnei me te whakauru i te mana motuhake me te tino rangatiratanga • Te ine me te pūrongo e pā ana ki ngā tirohanga o ngā hapori me ngā tāngata takitahi mō te whakauruuru, me te toi whenua • Te uiui ki, pūrongo i, ā, miramira i te ekenga o te hunga kawe haepapa i tā rātou whakatutuki i ō rātou haepapatanga tika tangata, Tiriti o Waitangi hoki ki ngā tāngata takitahi me ngā hapori • Te whakarato i te tohutohu rautaki pai mō ngā take pūnahanaha – he mea hohe, he mea tono rānei – hei tautoko i ngā tāngata takitahi, i ngā hapori hoki kia mārama ki ngā āhuatanga tika tangata o te Tiriti o Waitangi me te whakamahi i ō rātou tika tangata • Te whakarato i tētahi ratonga whakatau tohe pai, me te whakakanohitanga ā-ture i raro i te Human Rights Act 1993 • • Te whakarato i te tohutohu rautaki pai ki ngā take pūnahanaha – he mea hohe, he mea tono rānei – hei tautoko i ngā tāngata whenua ki te whakamahi i te tino rangatiratanga me te mana motuhake Te whakarato i tētahi ratonga whakatau tohe pai, me te whakakanohitanga ā-ture i raro i te Human Rights Act 1993 25 | Mahere Rautaki 2021-2025