Te anga hua Te pou tarāwaho putanga PUTANGA 1: Te Mātauranga o ngā Tika Tangata E mōhio ana te katoa ki Aotearoa ki ō rātou tika me ō rātou takohanga, tika tangata, Tiriti hoki, ā, e whakaaro ana kua whakamanatia hei hapahapai mōna ake. E tino mārama ana, e whakamahi ana hoki, ngā Tāngata Whenua i ngā tika tino rangatiratanga nō mua atu i whakaūngia ki He Whakaputanga me te Tiriti o Waitangi. PUTANGA 2: Ngā Hapori Whakauruuru6 Ko ngā hapori he mea rāhiri, whakauruuru, whakamana hoki ki te tūhono tētahi ki tētahi, ki te kāwanatanga hoki hei whakapakari i te Tiriti, ngā tika tangata, ngā tūhononga reretau hoki. E wātea ana ngā Tāngata Whenua i te wairua whakawehe, i te whakatuanuitanga mā, i te kaikiri, i te koroniaratanga, ā, ka noho hei ngā tāngata whenua ki tō rātou ūkaipōtanga hei mana whenua. E mauminaminatia ana, e whakauruurutia ana rātou, ā, e āhei ana rātou ki te noho hei tāngata whenua ki tō rātou tino rangatiratanga, whenua, rawa, āhua noho, whakapono anō hoki. PUTANGA 3: Te Hunga Kawe Haepapa e Noho Haepapa ana7 Ka tiakina kia noho haepapa te kāwanatanga rātou ko ērā atu hunga kawe haepapa mō te whakapai i te ekenga o ngā mahi ki ngā takohanga ā-motu, ā-ao o ngā tika tangata, te Tiriti hoki. Kei ngā Tāngata Whenua he taputapu hei tiaki kia noho haepapa te kāwanatanga rātou ko ērā atu hunga kawe haepapa mō te whakapai i te ekenga o ngā mahi ki ngā haepapatanga me ngā takohanga o te Tiriti, o te tika tangata nō mua noa atu. Kia mōhio ai koe, ka kapi i te kupu “Hapori” i tēnei horopaki (engari kāore i te herea ki) ngā Tāngata Whenua, ngā tāngata nō Te Moana-nui-a-Kiwa, te hunga hauā, ngā hapori mātāwaka, ā, me ngā pakihi, ngā wāhi mahi anō hoki. 6 E kōrero ana te Hunga Kawe Haepapa mō ngā pakihi, ngā wāhi mahi, me te kāwanatanga ā-motu, ā-rohe hoki – arā ko ngā rōpū katoa whai kawenga ki raro i te Tiriti o Waitangi, te Universal Declaration of Human Rights, ētahi atu Tiriti, Whakapuakitanga tika tangata o te Kotahitanga o Ngā Iwi o te Ao. 7 21 | Mahere Rautaki 2021-2025