Human Rights Commission
Ō mātou uara
Mana tangata
Kei te whakapono mātou ki te whakarangatira,
te mana, me ngā tika o ngā tāngata katoa,
ā, me whakaute ngā tāngata katoa, ahakoa
kāore mātou i te whakaae ki a rātou.
Kei te ngako o ngā tika tangata te
whakarangatira me te mana, e ai ki te
whakaaturanga ki te International Bill of
Human Rights,5 e noho pūtaketake ana ki ngā
tika tangata ā-ao katoa.
Māia, tika, pono
Me ōrite te āheinga ngā painga o tā mātou
mahi ki te katoa.
He hītori, he wheako tā mātou, tae atu ki tētahi
pūtake mātauranga e tuku ana i te aronga ki
a mātou ka taea te whakamahi hei kōkiri i tā
mātou e mōhio ana, e whakapono ana.
Ka āwhina te māia i Te Kāhui kia rangona ki
ngā take uaua, hira hoki.
Me mātua tū mātou mō te rangimārie me
te reretau, me te whakakore i tā te tangata
whakahāwea, mauāhara hoki.
Ka whirinakitia tā mātou mahi, ka whaimana,
ka pono, ka pai, ka pai te utu. E hāngai ana
tēnei ki te pupuru i te whakapono o rātou e
hiahia ana ki a mātou.
E pono ana mātou ki tā mātou mana
whakahaere, pērā i te kitenga ki ngā puka
pērā i te Universal Declaration of Human
Rights, te Human Rights Act 1993, ngā Paris
Principles, te Crown Entities Act 2004 me te
Tiriti o Waitangi.
‘Te whakatinana i tā mātou kōrero’ – ka pērā
te mahi ki roto i tā mātou e whakamanatia
ana ki te whakatairanga.
Whanaungatanga
Kei te whakapono mātou ki te whakahononga
ngātahi me te kore wehenga o ngā mea katoa
– ehara te ōritenga i te kotahitanga, ehara te
kanorau i te whakawehenga. Kei te whakaatu
tēnei i te ariā o te kotahitanga.
He whakahaere pūtake ngā whānau mō
ngā hapori me te rangatiratanga, ā, he mea
pūtaketake ngā whānau ki te whakamahinga
o ngā tika tangata. Kei te whakaatu tēnei i te
hiranga o te whakapapa.
Ka whakamōhiotia tā mātou hanga,
whakahaere hoki i ō mātou hononga e te ariā
o te manaaki.
Kei te whakapono mātou me tiaki i ngā
mea tino whakaraerae, kia tū rātou hei
tāngata tiaki i te reanga whai muri. He mea
whakawhiti reanga ō mātou hononga.
Kei te whakapono mātou ki te āki, ki te
whakamana i ngā tāngata, i ngā hapori hoki.
Ko ngā hononga tētahi ara ki te whakatutuki i
ō mātou whāinga – kaupapa.
5
Kei roto ko ngā taputapu tūāpapa e toru: Te Universal Declaration of Human Rights, te International Covenant on
Economic, Social and Cultural Rights, me te International Covenant on Civil and Political Rights.
19 | Mahere Rautaki 2021-2025