Kupu whakataki Kei te whai, kei te ū hoki Te Kāhui kia tū hei tauira o tētahi whakahaere pūtake-Tiriti, hei tauira o ngā tika tangata, taketake hoki hei tētahi whakahaere tika tangata ā-motu (NHRI), hei hinonga Karauna motuhake hoki. Mā te mahi i te taha me te tūtohu i te mana me te tino rangatiratanga o ngā tāngata whenua ka āwhinatia te whakatō i te tūmanako ki ngā iwi rātou ko ngā hapū ko ngā hapori Māori ko ngā kaiārahi ko ērā atu whakahaere rāngai tūmatanui, tūmataiti, ko ngā hapori anō hoki. Ka whakaahei tonu i a mātou i tā mātou āki i te Kāwanatanga ki te whakatinana katoa i te Tiriti me te kawe i te haepapatanga o ōna kawenga tika Taketake ā-ao, ā-Tiriti hoki, hei wāhanga o tā mātou mahi matua hei tētahi NHRI. 9 | Mahere Rautaki 2021-2025 Mā konei anō e ara ake ki te whakawhanaketanga me te kōkiritanga nui ake o te tino rangatiratanga i te taha o te kāwanatanga ki Aotearoa. Kia angitu mātou ki tēnei kaupapa me mātua nui whakaharahara tā tātou neke atu i ō tātou pūtake koroniara, kia awhi kē i te aronga he mea purenga ihomatua, he mea āta tātari i te mārama. Ka hiahiatia e te hātepe kia āta whai tātou i te manaaki, i te aroha i a tātou e haere ana i tēnei haerenga kāore he mahere kua oti te whakamahere. Ko te ngako, kei te ako tātou i te wā o te haere. Kei te tautoko tā mātou rōpū Ahi Kaa i te whakahaere ki te mātauranga para huarahi, ki ngā tikanga tangata whenua i a mātou e aro ana ki te haurokuroku. Koinei te rerenga ihotanga o ō mātou kaiārahi tīpuna purapura tuawhiti, nā ō rātou whakaakoranga i whakaatu mā ā tātou mahi o tēnei wā e hanga ai te āhua o te āpōpō.