Te whakarorotu i ngā tika tangata me te Tiriti o Waitangi Mā Te Kāhui e kawe mai i ngā tika tangata ā-ao ki Aotearoa, e whakaatu ana i te hononga i waenganui i te Tiriti o Waitangi me ngā tika tangata. Mā korā e whakaahei ngā tika tangata, te Tiriti hoki kia mārama whānuitia, kia whakamāori torowhānuitia, ā, māna e aro atu ki āna mahi ki te āhua e whakaatu ana ko ngā tika tangata he mea tūturu, whaitake, whakamahi hoki, ā, e taea ana te whakamahi e ngā tāngata hei whakapai ake i tō rātou oranga. Te take He āhua iti te mōhiotanga ki Te Kāhui Tika Tangata me ngā ratonga e tukuna ana e mātou, inarā i waenganui i ngā hapori he nui rawa te tūpono ka kite wheako i te toihara, i te whakatīwheta rānei. He nui ake te tūpono ka whakamahi ngā tāngata i ō rātou tika tangata me te whakaute i ngā tika tangata o ērā atu tāngata i a rātou e mōhio ana he aha ēnei tika, ā, ka whakamanatia kia tūmanako ka whakamahia. He reo ā-ture, ā-hangarau i ētahi wā te reo tika tangata, nō reira he kawenga nō mātou ki te whakamahi i te reo, i ngā ara pāpāho e wātea ana ki te tino whānuitanga o ngā tāngata ka taea, me te whakapau kaha kia mōhio rātou kei reira tērā. Kua noho te takahitanga o ō ngā tāngata whenua tika nō mua noa atu, ā-Tiriti, ā-taketake hoki hei āhuatanga o te kāwanatanga, o te pāpori hoki o Aotearoa mō te tata ki te rua rautau. Me panoni tēnei rerenga ihotanga o te tūkino. Ngā mahi kokoti Ka whai Te Kāhui Tika Tangata i te aronga pūtake Tiriti, tika tangata hoki ki te whakarorotu i ngā tika tangata: Tino rangatiratanga Kāwanatanga • Te whakawhanake i ngā hapahapai, ngā aratohu me ngā taputapu ka “whakamārama” i te hononga i waenganui i Te Tiriti o Waitangi me ngā tika tangata, ka tautoko hoki i ngā tāngata whenua ki te whakamahi i te tino rangatiratanga me ngā tika tangata • Te whakawhanake i ngā hapahapai, ngā aratohu me ngā taputapu ka “whakamārama” i ngā tika tangata ā-ao i roto i te horopaki o Aotearoa, tae atu ki te hononga i waenganui i te Tiriti o Waitangi me ngā tika tangata, me te tautoko i ngā tāngata ki te whakatinana i ō rātou tika tangata • Mā te mahi tahi ki ngā tāngata whenua, ka whakawhanake me te tuari taputapu ka taea te whakamahi ki te whakangako i te whakaurunga me te toi whenua, me te whakamahinga i te tino rangatiratanga • Mā te mahi tahi ki ngā hapori, ka whakawhanake me te tuari taputapu ka taea te whakamahi ki te whakarei i te whakaurunga me te toi whenua, me te whakatinana i ngā tika tangata, e noho pūtake ana ki Te Tiriti o Waitangi • Mā te mahi tahi ki ngā tāngata whenua, ka tautuhi, tuhi, ā, ka tuari i ngā mātai kēhi o ngā mahi kairangatira, auaha hoki/ rānei hei tautīnei i ngā tika tangata me te Tiriti o Waitangi mā ngā tāngata whenua • Mā te mahi tahi ki ngā tāngata whenua, ka tautuhi, tuhi, ā, ka tuari i ngā mātai kēhi o ngā mahi kairangi, auaha hoki/ rānei hei tautīnei i ngā tika tangata me Te Tiriti o Waitangi • Te whakarato i te tohutohu rautaki pai ki ngā take pūnahanaha – he mea hohe, he mea tono rānei – hei tautoko i ngā tāngata whenua ki te whakamahi i te tino rangatiratanga me te mana motuhake • Te whakarato i te tohutohu rautaki pai mō ngā take pūnahanaha – he mea hohe, he mea tono rānei – hei tautoko i ngā tāngata takitahi, i ngā hapori hoki kia mārama ki ngā āhuatanga tika tangata o te Tiriti o Waitangi me te whakamahi i ō rātou tika tangata • Te whakarato i tētahi ratonga whakatau tohe pai, me te whakakanohitanga ā-ture ki raro i te Human Rights Act 1993 • Te whakarato i tētahi ratonga whakatau tohe pai, me te whakakanohitanga ā-ture ki raro i te Human Rights Act 1993 29 | Mahere Rautaki 2021-2025