He kupu takamua mai i te
Kaikōmihana Matua
Wehe ana au i te rekareka ki te whakaatu i tā
Te Kāhui Tika Tangata Strategic Plan Mahere
Rautaki 2021-2025.
He takohanga kaha tō tātou hei motu ki te
matatika, ki te ōritenga. Me mihi tēnei ka tika.
Heoi anō, ehara i te mea kei te tautokona i
ngā wā katoa e te mahi ka kitea ki ētahi o ngā
wāhi ka whakarite i te panonitanga rahi ki
ngā ao o ia rā o te tangata.
He pono hoki tēnei e pā ana ki Te Kāhui. Kua
kaha mātou ki te kore-toihara, ki ngā tika
pāpori, tika tōrangapū hoki – ā, me pēnei
tonu mātou. Engari me whakamahi hoki
mātou i te nekehanga tauira kia tautīnei i
ngā tika Taketake o ngā tāngata whenua ki
Aotearoa i te wā tonu, kia nui ake ngā mahi
ki te wāhi o ngā tika kaimahi pērā i te tika ki
te utu matatika; ngā tika pāpori pērā i ngā
tika ki te whare rawaka; te āheinga ki te tiaki
hauora me te mātauranga. He wāhanga ēnei
tika tangata o te tikanga ā-ao kua hangaia,
kua hainatia hoki e ngā kāwanatanga o te wā.
Ko tā mātou karere ka taea e ngā tika tangata
te whakapakari, te whakamana i ngā tāngata
takitahi, i ngā whānau, i ngā hapū, i ngā iwi,
i ngā hapori, ā, ka taea hoki te āwhina i ngā
Paul Hunt
Chief Commissioner | Kaikōmihana Matua
7 | Mahere Rautaki 2021-2025
kāwanatanga ki te tuku i ngā kaupapa here
matatika, pakari hoki.
Strategic Plan Mahere Rautaki 2021-2025,
kei te whakatakoto mātou i tētahi aronga
tūmanako haonui hou – mā mātou ake, mā
te whenua anō hoki. Ahakoa he nui ngā
āhuatanga ka taea e mātou te ako mai i ngā
mahi kua oti ki tāwāhi, i ētahi kēhi, he ahurei
tō tātou horopaki, nō reira me whakaatu
tēnei ki tō mātou aronga. Kei te hiahia mātou
ki te mahi tahi ki te hunga kawe haepapa – te
kāwanatanga me te rāngai pakihi – kia hanga
i te panonitanga pai tūturu.
E ū ana mātou ki te whakatinana i tā mātou
kōrero, te whakakaha me te whakahohe i
tā mātou ūnga kia noho hei whakahaere
pūtake-Tiriti, hei tauira tika tangata hoki. E
herea ana ngā whakahaere kāwanatanga
katoa kia arahina e Te Tiriti o Waitangi.
Ko te tikanga o tēnei ko te tūtohu i te tino
rangatiratanga hei momo mana ki te taha o
te kāwanatanga. Kāore pea mātou e eke i ngā
wā katoa, engari ka ako, ka whakapai ake,
ka whai kia whakaatu ka taea e tēnei aronga
pūtaketake te hanga rerekētanga.