ހިއުމަން ރައިޓްސް ކޮމިޝަން އޮފް ދަ މޯލްޑިވްސް
ގުޅޭގޮތް ނުވުމާއި ،އެފަރާތްތަކުގެ ޢާއިލާއާއި ،ރަށު ކައުންސިލްތައް މެދުވެރިކޮށް ވެސް އެ ފަރާތްތަކާ ބައްދަލުކުރެވޭނެ ގޮތް
ނުވާ ޙާލަތްތައް އަންނަކަން ފާހަގަކުރެވެއެވެ .އެހެންކަމުން ،އެފަދަ މައްސަލަތައް ކުރިއަށް ގެންދިއުމަށް ކޮމިޝަނަށް ދަތިވެއެވެ.
28282މީގެ އިތުރުން ،ޓޯޗަރގެ މައްސަލަތަކުގައި ހާދިސާ ހިނގާތާ ގިނަ ދުވަސް ފަހުން މައްސަލަ ހުށަހެޅުމުން އަނިޔާ ލިބިފައިވާ
ފަރާތުގެ ހަށިގަނޑުގައި ހުންނަ ޒަޚަމްތަކާއި ،ކަން ހިނގާ ދިޔަގޮތުގެ ތަފްޞީލާއި ހެއްކާއި ގަރީނާ ހޯދުމަށް ގޮންޖެހުންތަކެއް
ކުރިމަތިވެއެވެ .މިފަދަ ސަބަބުތަކާ ހެދި ޓޯޗަރގެ މައްސަލަތަކުގައި ޓޯޗަރގެ ޢަމަލު ހިންގިކަމަށް ބުރަވެވޭނެފަދަ މަޢުލޫމާތުތައް
ހުރިނަމަވެސް އެކަންކަން ޖިނާއީ މިންގަނޑުން ސާބިތުކުރެވޭ މިންވަރަށް ހެކި ހޯދުމަށް ދަތިވާކަން ވެސް ފާހަގަކުރެވެއެވެ.
އަދި ޓޯޗަރގެ މައްސަލަތައް ތަޙްޤީޤު ކުރާ މުވައްޒަފުންނަށް އެކަށީގެންވާ ތަމްރީނާއި ހުނަރު ލިބިފައި ނުވުމުން ،ޓޯޗަރގެ
މައްސަލަތައް އެންމެ އެދެވޭގޮތެއްގައި ތަޙްޤީޤުކޮށް މައްސަލަ ސާބިތުކުރުމުގައި ދަތިތަކާ ކުރިމަތިވެއެވެ.
28283ހަމައެހެންމެ ،ޓޯޗަރގެ ގިނަ މައްސަލަތަކެއް ރައްދުވާ މުއައްސަސާއަކީ ދިވެހި ފުލުހުންގެ ޚިދުމަތްކަމަށް ވާއިރު ،އެފަދަ
މައްސަލަތަކުގައި ފޮރެންސިކް ތަޙްލީލުތަކަށް އެ މުއައްސަސާގެ އެހީ ހޯދަންޖެހުމުން ،ތަޙްޤީޤުގެ ހޯދުންތަކަށް އެކަމުގެ ސަބަބުން
ނޭދެވޭ އަސަރެއް ފޯރުމުގެ ފުރުޞަތު އޮންނަކަމަށް ފާހަގަކުރެވެއެވެ.
28284ކްރައުޑް ކޮންޓްރޯލު ކުރުމުގައި އަދި މީހުން ކޮންޓްރޯލު ކުރުމުގައި ޙާލަތާ ނުބައްދަލު މިންވަރަށް ބާރުގެ ބޭނުން ކުރާކަން
ކޮމިޝަނަށް ފާހަގަ ކުރެވެއެވެ .އެގޮތުން ޕެޕަރ ސްޕްރޭ ބޭނުން ކުރުމުގައި އެގޮތަށް ޢަމަލުކުރާކަން ކޮމިޝަންގެ ތަޙްޤީޤުތަކަށް
ފާހަގަކުރެވެއެވެ .އެކަމުގެ ސަބަބުން އެއްވެފައިވާ މީހުންނަށް ލިބެން ނުޖެހޭ އަނިޔާއެއް ޤާނޫނު ތަންފީޒުކުރާ އިދާރާތަކުގެ
މުވައްޒަފުންގެ ފަރާތުން ލިބި ،ޤާނޫނު ތަންފީޒުކުރާ އިދާރާތަކާމެދު ޢ��ންމުންގެ އިތުބާރު ކުޑަވުމުގެ ފުރުޞަތު އޮންނަކަން
ކޮމިޝަނަށް ފާހަގަކުރެވެއެވެ.
28285އަދި ދައުލަތުގެ ބެލުމުގެ ދަށުގައިވާ ކުދިންނާއި މީހުން ބައިތިއްބާ ތަންތަނާ ހަވާލުވެ ތިއްބަވާ ގިނަ ވެރީންނާއި މުވައްޒަފުން
ޤާނޫނު ނަންބަރު ( 2013/13އެންޓި ޓޯޗަރ ޤާނޫނު )2013އަށް އަހުލުވެރިވެފައި ނުވާކަން ވެސް ކޮމިޝަނުން ހިންގާފައިވާ
ބައެއް ތަޙުޤީޤުތަކުގެ ތެރެއިން ކޮމިޝަނުގެ ސަމާލުކަމަށް އައިސްފައިވެއެވެ .އެގޮތުން ޓޯޗަރގެ ޢަމަލެއް ހިނގަމުންދާއިރު އެކަން
ހުއްޓުވުމުގެ ޒިންމާ އޮތް މިންވަރާއި ،އެފަދަ ޢަމަލެއް ހިނގައިފިކަން އެނގޭ ހާލަތްތަކުގައި ޢަމަލުކުރަންޖެހެނީ ކޮންގޮތަކަށްކަން
ޤަނޫނު ތަންފީޒުކުރާ އިދާރާތަކުގެ ބައެއް މުވައްޒަފުންނަށް ނޭނގޭކަން ފާހަގަކުރެވެއެވެ .އޭގެ ސަބަބުން ޓޯޗަރ ހުއްޓުވުމާއި
މަނާކުރުމުގެ މަޤުޞަދުގައި ހަދާފައިވާ އެންޓި ޓޯޗަރ ޤާނޫނުގެ މަޤުޞަދު އެންމެ ފުރިހަމައަށް ޙާޞިލުނުވާކަން ފާހަގަކުރެވެއެވެ.
2222މިނިވަންކަން ގެއްލޭ ގޮތަށް ދައުލަތުގެ ބެލުމުގެ ދަށުގައި ތިބޭ ބަންދުމީހުންނާއި ގައިދީންގެ ޙައްޤުތަކާ
ގުޅޭގޮތުން ކޮމިޝަނުން ތަޙްޤީޤުކޮށްފައިވާ މައްސަލަތައް
94
ހިއުމަން ރައިޓްސް ރިޕޯޓް 2022