Whakarāpopototanga matua He mana ā-ture tō Te Kāhui Tika Tangata ki te whakahaere pakirehua ki ngā take motika tangata.1 I te tau 2021, ka tīmataria e mātou he pakirehua ki te motika ki tētahi kāinga rawaka. Kei roto i te Pakirehua Wharenoho ngā pūrongo me ētahi atu wawaonga ki ētahi take wharenoho me te whakarato i ngā tūtohu whaihua mā ētahi kiripānga maha. Ko tēnei pūrongo e arotahi ana ki te pūnaha whare ohorere, ko te urupare rārangi o mua a te kāwanatanga ki te kore kāinga i Aotearoa. Kei roto i tēnei pūnaha wharenoho ohotata ngā kaupapa huhua, engari ka whai whakaaro tēnei pūrongo ki ētahi take matua e rua: ngā nōhanga ohotata a te Emergency Housing Special Needs Grant, me ngā whare taupua a ngā kaiwhakarato ā-kirimana. E mōhio ana mātou he mōrearea whare kei mua i te aroaro o tēnei kāwanatanga, otirā he mea hanga e ngā tau maha o te whakahapa torowhare. E pokea ana a Aotearoa e te hia tau o te noho kore whare, i ahu mai tētahi wāhanga i ngā kaupapahere kāwanatanga o mua, ki te hoko i ngā whare kāwanatanga. Kua whakapakaritia tēnei e te pikinga nui o te utu o ngā whare, me te korenga haere hoki o ngā whare hei rēti e ngāwari ana te utu. Kei mua hoki i te kāwanatanga ētahi atu take takawhīwhiwhi, pēnei i te urutā KOWHEORI-19 me te urupare, ngā take nui o te kore rauemi hanga whare, me ngā uauatanga o te taiao ōhanga o te ao. Nā ētahi o ēnei take i kōkiri i te pikinga o te pōharatanga me te rawakore i Aotearoa. I te Hepetema 2022, i whakaputa karanga tūmatanui mātou e tono ana i te hunga whai wheako i te pūnaha wharenoho ohotata kia whakapā mai me te tuku mai i ō rātou whakaaro. E whakarāpopoto ana tā mātou pūrongo i tā mātou i rongo ai, me te whakarato i ētahi taunaki whaiaro (upoko 3). He tino whakaauhi ngā kōrero i rongo ai mātou. He nui ngā āhuatanga i kore ai te pūnaha e whai hua ki te huhua o te hunga e tino hiahia āwhina ana. Mahue te tautoko i te hunga kei a rātou te kore tūwhita ā-kāinga kia uru ki ngā otinga kāinga toitū, ko tā te urupare aroākapa ki te kore kāingatanga he whakapiki kē i ngā raruraru me te pāmamae e pēhi tonu nei i te tangata i muri noa atu i te wehenga i te pūnaha. He nui te whakapeto a te kāwanatanga i te ngoi me te pūtea ki te whakawhanake i tētahi pūnaha e whakatau ana i te kore kāingatanga me ngā take hoki e noho kore kāinga ana te tangata. I te upoko 4, ka tautuhi mātou i ngā takohanga tika tangata inamata e whā ka pupū ake i te motika ki tētahi whare rawaka e pā ana ki te kore kāingatanga: Ka piki haere tā mātou Pakirehua i runga i te whakaputanga a Te Kāhui kātahi anō ka puta, a Te Aratohu tika tangata ki te whai whare rawaka i Aotearoa. Ka whakatakoto te Aratohu i te motika ki tētahi whare rawaka i poua ki Te Tiriti o Waitangi me te tohu i ngā huarahi rerekē e taea ai e tēnei motika tangata te whai wāhi ki tētahi pūnaha whare tōkeke, hikareia hoki. 1 Takohanga inamata 1: He whakarato i ngā wharenoho ohotata e eke ai ngā paerewa rawaka taketake me ētahi atu āhuatanga tika tangata matua o te motika ki tētahi whare rawaka. Takohanga inamata 2: Kaua e pana i te tangata ki te kore kāingatanga. Ture Tika Tangata (Human Rights Act) 1993, wāhanga 5(2)(h). 7