Ki : Mataupu o lo’o mo’omia se fa’aiuga/ tali fa’anatinati Mataupu o lo’o mo’omia se fa’aiuga/ tali vave Mataupu faagasolo o lo’o mo’omia se faaiuga/tali Amata i totonu o le 1-2 tausaga mai le vaitaimi e fa’alauiloa āloaia ai e le Ofisa le1 Lipoti Amata i totonu o le 2-3 tausaga mai le taimi e talia āloaia ai e le Palemene le Lipoti Amata i totonu o le 3-5 tausaga mai le taimi e talia āloaia ai e le Palemene le Lipoti I’UGA 1 O LE SĀ’ILI’ILIGA: O sāuāga i totonu o ‘āiga o se matā’upu matuā lavelave ua feagai ma le atunu’u. O se fa’afītāuli e feso’ota’i māfua’aga, u’una’i o fa’atinoga, ma taunu’uga. E mana’omia le galulue fa’atasi ma le māopoopo o le atunu’u i se ‘auala ina ia tāofia ma puipuia ona tagata mai sāuāga i totonu o ‘āiga. O se taumafaiga a Sāmoa o le atunu’u, e tatau ona fa’avae ma ta’imua le Fa’asāmoa, Talitonuga Fa’alefa’atuatua ma le ta’iala o Aiā Tatau a Tagata Soifua. I’UGA 2 O LE SĀ’ILI’ILIGA: Ua o’o atu i le la’asaga o se fa’ama’i pepesi le fa’atonu/sāuaga i upu ma sāuāga tau faigā ‘āiga fa’asaga i tamaiti. • O le 9 mai ni tamaiti e 10 i Sāmoa e o’o i ai sāuāga. • E māsani ona ogaoga tulaga e o’o i ai le fa’atonu/sāuāga o le tino, ma sopo atu mai “fa’asalaga talafeagai” i lalo o tulafono a Sāmoa. • O faigā ‘āiga fa’atautala ma le mata’ifale ‘olo’o fa’atino i tamaiti, ua o’o i tulaga o se fa’ama’i mata’utia ua pepesi i Sāmoa. 1 Taga’i i le aso na fa’alauiloa āloaia ai le Lipoti fft 12 Setema 2018.