tomai o galuega, ma e mana’omia le aoina o fa’amaumauga ina ia si’itia le aogā lelei o fa’atinoga, ma ia fa’amautinoa e maua e tagata āfāina i sāuāga i totonu o ‘āiga tausiga talafeagai, i tulaga mana’omia o ‘au’aunaga ua fa’ata’atitia. FAUTUAGA TAUNU’UGA O FA’ATINOGA FAUTUAGA 33: Fa’ama’ite e le  Mālō le fa’amālosia ma le  fa’amāopoopoina o Fa’alāpotopotoga Tūma’oti, i la latou tali atu i sāuāga i totonu o ‘āiga.    Fa’avae ‘auala o le fa’amāopoopoina. Fa’avae fua o tulaga mana’omia a le atunu’u o ‘au’aunaga a Fa’alāpotopotoga Tūma’oti e feso’ota’i ma le tāofiga ma le puipuiga o sāuāga i totonu o ‘āiga, ma le māta’itūina o ia tulaga mana’omia. Fa’atino a’oa’oga ma le ātīna’ega o tomai ma le mafai ona fa’atino o galuega a le vaega o Fa’alāpotopotoga Tūma’oti. Ātīna’e se faiga e fa’ata’atia ai ‘auala o le aoina o fa’amaumauga. Sā’ili’ili ma maua mai fesoasoani tautupe ma tomai fa’apitoa. VAEGA E FA’ATINOINA TAIMI FA’ATULAGAINA  Matagaluega o Tinā ma Tama’ita’i, Atina’e o Nu’u ma Afio’aga ma Agafeso’ota’i, e galulue fa’atasi ma le Fa’amalu o Fa’alāpotopotoga Tūma’oti o Samoa ma isi Fa’alāpotopotoga Tūma’oti  Mataupu o lo’o mo’omia se fa’aiuga/ tali vave I’UGA 42 O LE SĀ’ILI’ILIGA: O le manatu sesē o le ‘ava mālosi o se “māfua’aga” ‘ae lē se u’una’i, ‘olo’o iai le sao i le māsani o le lē fa’asalaina ma maua ai pea le avanoa e tagata fa’atino sāuāga e “tu’ua’i le ‘ava mālosi” ‘ae lē feagai ma taunu’uga o a latou fa’atinoga. O lenei manatu sesē ua seu ‘ese ai le va’ai mai māfua’aga tonu o sāuāga i totonu o ‘āiga – o le lē tutusa o tulaga o itūpā, ma le mālosi ma le pule. I’UGA 43 O LE SĀ’ILI’ILIGA: O le fa’aaogā fa’atāutala o le ‘ava mālosi o se u’una’i o le fa’atinoga o sāuāga i totonu o ‘āiga ma, o le fa’afetaia’iga o le so’ona fa’aaogā fa’atāutala ma le fa’aaogā sesē o le ‘ava mālosi, e mafai ona fa’aitiitia ai itū’āiga sāuāga uma i totonu o le atunu’u. FAUTUAGA TAUNU’UGA O FA’ATINOGA VAEGA E FA’ATINOINA TAIMI FA’ATULAGAINA