FAUTUAGA 21: Ia tāofia e lotu le ūna’iga ma le lagolagoina o manatu ma uiga fa’aalia e fanafānau ai sāuāga i totonu o ‘āiga ma ia ‘avea o se ta’ita’i i le tāofiga o sāuāga i totonu o ‘āiga.  Ia ‘auai faife’au i Komiti a Nu’u mo le Saogalēmū o ‘Āiga.  Fa’atino a’oa’oga lautele ma au’ili’ili mo faife’au i uiga, māfua’aga ma taunu’uga o sāuāga i totonu o ‘āiga, ma māta’itūina taunu’uga o ia a’oa’oga.  ‘Auai lotu i le ātīna’ega o se talitonuga fa’alefa’atuatua mo le manuia o tagata lautele ma le saogalēmū o ‘āiga.  Ātīna’e fautuaga mo faife’au o lotu i ‘auala e ūna’i ma lagolagoina ai le leai o ni sāuāga, ma le laugaina o se talitonuga fa’alefa’atuatua mo le manuia o tagata lautele, e lē iai ni sāuāga.  Fa’atino faufautuaga mo ulugāli’i i a latou ‘aulotu, e pei o le polokalame ‘olo’o fa’atino nei e le lotu o le Harvest Centre.  Toe fa’atino asiasiga fa’aauau i tagata o ‘aulotu ina ia ātīna’e so’otaga lelei, si’itia ta’ita’iga fa’aleagaga, ma ‘avea o se ‘auala o ulua’i lapata’iga ma le tāofiga o sāuāga i totonu o ‘āiga.  Fa’avae tapula’a o saofaga fa’alelotu, ia feso’ota’i ma tupe e gafatia e ‘āiga.  Ta’ita’i uma o Lotu  Fa’alapotopotoga o Ekalesia So’ofa’atasi • Mataupu o lo’o mo’omia se fa’aiuga/ tali vave I’UGA 32 O LE SĀ’ILI’ILIGA: E lē o ‘ausia tulaga lelei i le aoina o fa’amaumauga tau sāuāga i totonu o ‘āiga ma faifaipea le sesē ona līpotiina le tulaga tonu o le lautele o le fa’afītāuli, ma fa’aitiitia ai le aogā o nai taumafaiga ‘olo’o iai e fa’afetaia’i ai. FAUTUAGA FAUTUAGA 22: Fa’a’ogātotonu i taumafaiga o le tāofiga o sāuāga i totonu o ‘āiga i Sāmoa le aoina o TAUNU’UGA O FA’ATINOGA  Ātīna’e se faiga e tu’ufa’atasia ai le aoina o fa’amaumauga a matāgaluega uma ma Fa’alāpotopotoga Tūma’oti ‘olo’o tu’uina atu ‘au’aunaga. VAEGA E FA’ATINOINA  Matagaluega o Fuainumera Fa’amauina TAIMI FA’ATULAGAINA • Mataupu o lo’o mo’omia se fa’aiuga/ tali fa’anatinati