ma ‘auala ‘olo’o solia ai le Fa’asāmoa ma aiā tatau a tagata soifua. • Māta’itū manatu ma uiga fa’aalia e uiga i fa’asalaga sasa i ā’oga. • A’oa’oina faiā’oga i ‘auala e lē ni sāuāga e fa’atonu ai tamaiti ma māta’itū lagona o tamaitiā’oga e uiga i sāuāga e fa’atino e faiā’oga ina ia fa’amautinoa le ‘āto’atoa o fa’atinoga. Agafeso’ota’i, e galulue fa’atasi ma sui o nu’u • Matagaluega o A’oga, Ta’aloga ma Aganu’u • Iunivesitē Aoao o Sāmoa • Ofisa o Aiā Tatau o Tagata Soifua I’UGA 24 O LE SĀ’ILI’ILIGA: O se tasi o itū ‘olo’o fa’aauau ai pea sāuāga i totonu o ‘āiga, o le leai lea o se lagolago i lona tafi’esea mai ta’ita’i o upufai o mālō, tagata faigaluega a le mālō, ta’ita’i fa’aleaganu’u ma ta’ita’i fa’alelotu, ma lo latou ‘auai, o ni tagata fa’atino sāuāga. I’UGA 25 O LE SĀ’ILI’ILIGA: E to’atele tagata e lē iloa pe mālamalama fo’i i tulafono ‘autu ma ‘au’aunaga ‘olo’o iai. O lona uiga, e mafai ona to’atele tagata āfāina e lē mauaina lea fesoasoani latou te mana’omia, ma lē mafai ai ona ‘ausia le tāofiga o sāuāga i le lumana’i, ma tu’uavanoa ai pea i le fa’aauauina o sāuāga. FAUTUAGA FAUTUAGA 14: Fa’atino se polokalame o a’oa’oga a le atunu’u ma polokalame fa’apitoa e fa’atupu silafia, e fa’a’autū i manatu ma uiga fa’aalia ma fa’atinoga e āfāina ai tagata, ma le mālamalamaga i tulafono ma ‘au’aunaga ‘autū. TAUNU’UGA O FA’ATINOGA VAEGA E FA’ATINOINA • Fa’ama’oti tagata e fai ma fa’ata’ita’iga lelei mai vaega uma o le atunu’u, e aofia ai le Mālō, ‘aufaigaluega a le Mālō, ta’ita’i fa’aleaganu’u ma ta’ita’i fa’alelotu, ma ta’ita’i i taumafaiga fa’atupu silafia. • Fa’ama’oti ma fa’asalalau atu fa’amatalaga i tulafono ma ‘au’aunaga ‘autū. • Māta’itū ma iloilo taunu’uga o taumafaiga. • Matagaluega o Tinā ma Tama’ita’i, Atina’e o Nu’u ma Afio’aga ma Agafeso’ota’i • Matagaluega o Fa’amasinoga ma le Fa’afoeina o Mātaupu tau Fa’amasinoga • Vaega o tulafono ma le faamasinoga tonu a Samoa • Tagata uma e iai o latou sao TAIMI FA’ATULAGAINA  Mataupu o lo’o mo’omia se fa’aiuga/ tali fa’anatinati