34 Komesina o Sulufaiga (Ombudsman) 2013, Nu. 12 63. Aafia fua i faiga lē amiotonu-(1) Ua faia e se tagata o se soligatulafono, o ia lea ua na faia ina ia aafia, tau faamatau, faafefe pe faasoesa i se isi tagata i luga o le mafuaaga e faapea, o le tagata, po o so o se tagata auaufau a lea tagata: (a) ua faamoemoe e faaaogā ana aia tatau i lalo o lenei Tulafono; po o (b) ua ia faaaogā ana aia tatau, po o ua uunaia aia tatau a se tasi lava tagata, i lalo o lenei Tulafono; po o (c) ua na tuuina atu faamatalaga po o faamatalaga molimau i se faasea, suesuega, iloiloga po o taualumaga i lalo o lenei Tulafono; po o (d) ua na teena le faia o se gaoioiga lea e ono solia ai lenei Tulafono; (e) ua na faia so o se mea i lalo o lenei Tulafono. (2) O se tagata ua faamaonia faaletulafono se moliaga i lalo o le faafuaiupu (1) e noatia: (a) i se sala tupe e lē silia le 200 iunite tau faasalaga po o le nofosala i le falepuipui mo se vaitaimi e lē silia le ono (6) masina, mo se tagata e toatasi; ma (b) i se sala tupe e lē silia le 500 iunite tau faasalaga, mo se faalapotopotoga ua tuufaatasia faaletulafono. VAEGA 9 AIAIGA ESEESE 64. Tuusaunoaga mai totogifuapauina - O le Komesina o Sulufaiga ua tuusaunoa mai le totogiina o totogifuapauina mo so o se taualumaga a le faamasinoga po o taualumaga a se Komisi Faamasino. 65. Tuusaunoaga mai noataga tau le tagata lava ia - O le Komesina o Sulufaiga po o se sui o le aufaigaluega e lē noatia faale-tagata lava ia mo le tauaveina, i le agaga lelei, o so o se galuega tauave, tiute po o malosiaga i lalo o lenei Tulafono. 66. O le lē faaitiitia o le taua - O lenei Tulafono: (a) e faaopoopo atu i so o se isi lava tulafono faamamaluina po o se tulafono lea: