2013, Nu. 12 Komesina o Sulufaiga (Ombudsman) 33 (a) i se sala tupe e lē silia le 200 iunite tau faasalaga po o le nofosala i le falepuipui mo se vaitaimi e lē silia le ono (6) masina, mo se tagata e toatasi; ma (b) i se sala tupe e lē silia le 500 iunite tau faasalaga, mo se faalapotopotoga ua tuufaatasia faaletulafono. 60. Soligatulafono o le teena o le tuuina mai o faamatalaga molimau - Ua faia o se soligatulafono e se tagata o tulai e avea o se tagata molimau i luma o le Komesina o Sulufaiga, o ia lea ua tetee ina ia faatautoina po o ia faia o se faamaoniga po o ia tali atu i se fesili e talafeagai i se suesuega ua tuuina atu i le tagata molimau, ma e noatia i luga o se moliaga ua faamaonia faaletulafono: (a) i se sala tupe e lē silia le 100 iunite tau faasalaga po o le nofosala i le falepuipui mo se vaitaimi e lē silia le tolu (3) masina, mo se tagata e toatasi; ma (b) i se sala tupe e lē silia le 500 iunite tau faasalaga, mo se faalapotopotoga ua tuufaatasia faaletulafono. 61. Tauto pepelo - Ua faia e se tagata molimau o tulai i luma o le Komesina o Sulufaiga, o ia lea ua na tuuina atu ma lona iloa lelei o faamatalaga molimau e sese, o le soligatulafono o le tauto pepelo i lalo o le Tulafono o Solitulafono 1961. 62. Amioga lē migao - Ua faia e se tagata o se soligatulafono, o ia lea ua tau faifai ma le loto i ai i le Komesina o Sulufaiga, po o ua faalavelaveina ma le loto i ai taualumaga a le Komesina o Sulufaiga, po o i so o se faiga ua nofosala i le lē migao ma le loto i ai i le Komesina o Sulufaiga, ma e noatia i luga o se moliaga ua faamaonia faaletulafono: (a) i se sala tupe e lē silia le 200 iunite tau faasalaga po o le nofosala i le falepuipui mo se vaitaimi e lē silia le ono (6) masina, mo se tagata e toatasi; ma (b) i se sala tupe e lē silia le 500 iunite tau faasalaga, mo se faalapotopotoga ua tuufaatasia faaletulafono.