24 Komesina o Sulufaiga (Ombudsman) 2013, Nu. 12 (ii) o lo o i ai se tulaga ua lē talafeagai ua faatuai ai le suesuega; po o (iii) e le i suesueina le mataupu i auala talafeagai. (4) E lē tatau i Leoleo po o Falepuipui po o vaega ua faatonuina e puipuia amioga pulea ona: (a) suesueina so o se mataupu ua suesueina e le vaega faapitoa; po o (b) faaauau ona suesueina se mataupu ua suesueina i lalo o le faafuaiupu (3)(b). VAEGA 6 MALOSIAGA LAUTELE 42. Faaaogāina - Ua faaaogāina lenei Vaega i Vaega 3, 4 ma le 5. 43. Tuuina atu o pepa aloaia, faamatalaga ma molimau-(1) I le noatia ma fai fuafua i le fuaiupu 49, e mafai e le Komesina o Sulufaiga, mo faamoemoega o le Vaega 3, 4 po o le 5, ona talosagaina se tagata: (a) e tuuina atu so o se faamatalaga; po o (b) ia tuuina atu so o se pepa aloaia po o se mea, lea e faaono mafai ona umia po o lo o pulea e se tagata po o mo le Vaega 3 o lo o umia po o pulea e se Matagaluega po o se faalapotopotoga. (2) E mafai e le Komesina o Sulufaiga ona: (a) poloaiina ma suesue se tautoga (i) o se tagata o ia lea ua mafai ona tuuina atu o le faamatalaga i lalo o le faafuaiupu (1); (ii) o le tagata faasea i lalo o le Vaega 3 po o le 5; po o (iii) so o se isi lava tagata o ia lea e mafai ona tuuina atu faamatalaga; ma (b) faafoeina o tautoga. (3) O le soligatulafono o le tauto pepelo i lalo o le Tulafono o Solitulafono 1961 e faaaogā i se suesuega i lalo o le faafuaiupu (2) o lenei fuaiupu.