22 Komesina o Sulufaiga (Ombudsman) 2013, Nu. 12 (3) I le i ai faatasi ma maliega tusitusia a lē ua faasea, e mafai e le Komesina o Sulufaiga ona tuuina atu le faasea i le pulega talafeagai e tagofiaina le faasea. 39. Vaega faufautua ma tagata tau tomai ma agavaa faapitoa - E mafai e le Komesina o Sulufaiga ona faavaeina ni vaega faufautua po o le tofia o se tagata agavaa faapitoa po o se vaega o tagata agavaa faapitoa mo le faamoemoe o lenei Vaega e tusa ai o tuutuuga ua manatu ai le Komesina o Sulufaiga e talafeagai. 40. Tulaga o lipoti o aia tatau a tagata soifua-(1) E ao i le Komesina o Sulufaiga a o le i oo i le aso 30 Iuni o tausaga taitasi ona: (a) saunia se lipoti i le tulaga o aia tatau a tagata soifua i Samoa mo le tausaga sa muamua atu e aofia ai mataupu e faapea (i) o fautuaga e uiga i ni faiga toefuatai ma isi, pe faaletulafono, faaupufai po o pulega, ia e mafai ona avea e puipuia mai ai po o le foia ai o le solia o aia tatau a tagata soifua; (ii) so o se gaoioiga ua faia e le Malo i luga o fautuaga o lo o i totonu o so o se lipoti muamua; (iii) so o se gaoioiga ua faia e le Malo ina ia siitia ma puipuia ai aia tatau a tagata soifua; ma (b) faaooina atu le lipoti i le Fofoga Fetalai mo le faataatiaina i luga o le laulau a fono a le Fono Aoao Faitulafono i lalo o ana Tulafono Tumau i lana fonotaga e sosoo ai. (2) Pe a oo ina faataatia le lipoti i luga o le laulau-a-fono, e ao i le Fono Aoao Faitulafono ona tuuina atu le lipoti i le komiti faa-palemene e nafa ma aia tatau a tagata soifua ina ia iloiloina le lipoti e tusa ai o Tulafono Tumau.