6 Komesina o Sulufaiga (Ombudsman) 2013, Nu. 12 faaauau pea ma ua faavaeina i lalo o lenei fuaiupu e avea o se faalapotopotoga tutoatasi ua i ai lana soloaiga le motusia ma se faamaufaailoga masani ma e mafai ona: (a) umia ma lafoaia meatotino ma isi aseta; ma (b) faia ni konekarate; ma (c) e faia ni moliaga ma e molia; ma (d) faia so o se isi mea e mafai e se tagata ona faia e tusa ai o le tulafono. 6. Tutoatasi-(1) O le Komesina o Sulufaiga: (a) o se tagata ofisa tutoatasi o le Palemene; ma (b) e ao ona faatinoina tutoatasi o galuega tauave, tiute tauave ma malosiaga i lalo o lenei Tulafono; ma (c) a oo ina faatinoina galuega tauave, tiute ma malosiaga i lalo o lenei Tulafono, e lē noatia i se faatonuga po o se faiga faatosina a se tagata, o tagata e umia se tulaga tofi aloaia po o se pulega. (2) E lē taofia e lenei fuaiupu se faamasinoga mai le faia o se faatonuga po o se poloaiga tusa lava po o le Komesina o Sulufaiga ua: (a) uma ona ia faatinoina galuega tauave, tiute tauave ma malosiaga i lalo o lenei Tulafono; po o (b) e tatau po o e lē tatau ona ia faatino galuega tauave, tiute tauave po o malosiaga. 7. Tofiga - I le noatia ma le fai fuafua i le fuaiupu 8, e mafai e Le Ao o le Malo ona tofia se tagata ua fautuaina e le Fono Aoao Faitulafono e avea ma Komesina o Sulufaiga. 8. Filifiliga ma taiala faataatitia-(1) E ao ona filifilia le Komesina o Sulufaiga e tusa ai o taualumaga o filifiliga ma taiala faataatia ua faatulaga mai i le Faamatalaga 3. (2) O se tofiga ua lē faia e tusa ai o le fuaiupu 7 ma le Faamatalaga 3 o le a lē aloaia. 9. Tautoga o le tofi - E ao i le Komesina o Sulufaiga, a o lumanai lona nofoia o le tofi, ona faia le tautoga i le Fofoga Fetalai e pei ona faatulaga mai i le Vaega 1 o le Faamatalaga 2.