O le sa’olotoga o manatu ma le fa’aaliga o tāofi e aofia ai le aiā tatau i le mauaina o fa’amatalaga, o ni aiā tatau ma sa’olotoga e tāua mo i tatou uma. E fa’alagolago le ‘ausia o isi aiā tatau i le fa’ataunu’uina o aiā tatau nei. E mana’omia i le soifuaga o se tagata i se sosaiete e sa’oloto, ‘auā o nei sa’olotoga ma aiā tatau e mafai ai e tagata ona feso’ota’i ma fefa’asoaa’i ma isi tagata. E matuā tāua fo’i i le māta’itūina o pulega ma mafai ai ona tali mai mālō i a latou fa’atinoga.8 O se atunu’u temokarasi e pei o Sāmoa, e tele le fa’amālosi’au i le Mālō mo le puipuiga ma le lagolagoina o nei sa’olotoga ma aiā tatau e pei ona folafolaina le mautinoa i lalo o lo tatou Fa’avae9. Ua mautū fo’i ia sa’olotoga ma aiā tatau i tulafono fa’avāomālō i lalo o le Fa’asilasilaga Aoao o Aiā Tatau a Tagata Soifua 10 ma le Feagaiga Fa'avāomālō i Aiā Tatau i le Vā ma isi Tagata ma Aiā Tatau tau Upufai o mālō, ua avea Sāmoa o se mālō ‘auai.11 Sa’olotoga o tāofi O le sa’olotoga o tāofi ua folafolaina ai le mautinoa o le aiā tatau a so’o se tagata e ‘ūmia tāofi e leai se fa’alavelaveina ma e leai ni isi aiaiga po o ni tapula’a.12 Peita’i, e lē ‘āto’atoa fa’apea le aiā tatau e fa’aali ai tāofi.13 O le sa’olotoga o tāofi e aofia ai le aiā tatau e sui ai se tāofi i so’o se taimi, ma so’o se māfua’aga e filifili sa’oloto ai le tagata. E lē mafai ona āfāina ni aiā tatau a se tagata ona o ona tāofi. E puipuia so’o se itū’āiga tāofi, e aofia ai tāofi tau politiki, saienisi, tala’aga, amiotonu po o le lotu.14 O le fa’asoesā, taufa’amata’u po o le ta’uleagaina o se tagata e aofia ai le pu’eina fa’apagotā, tāofia, fa’amasinoina po o le fa’afalepuipuiina ona o ona tāofi, o le solia lava lea o le aiā tatau a lea tagata, ma e fa’asāina se taumafaiga e fa’amālosia se tagata e talia pe lē talia fo’i se tāofi. 15 O le sa’olotoga o tāofi e aofia ai fo’i le sa’olotoga o le lē fa’aaliina o ia tāofi.16 NA E SILAFIA? Sa’olotoga e ‘ūmia ma le sa’olotoga e fa’aali tāofi17 Na e silafia o le sa’olotoga e “ūmia” tāofi e leai ni tapula’a, ‘ae iai tapula’a o le sa’olotoga e “fa’aali” tāofi? E iai le aiā tatau a so’o se tagata e ‘ūmia ai se tāofi e uiga i se matā’upu, pe leai fo’i. O le sa’olotoga e ‘ūmia se tāofi e aofia ai le aiā tatau e sui lea tāofi i so’o se taimi ma so’o se māfua’aga e filifili sa’oloto ai lea tagata. E lē mafai ona āfāina ni aiā tatau a se tagata ona o ona tāofi. 8 See Ban Ki-Moon, “Freedom of Expression, a Fundamental Human Right”, UN Chronicle, https://www.un.org/en/chronicle/article/freedomexpression-fundamental-human-right. See also UNESCO, “About Freedom of Information”, http://www.unesco.org/new/en/communication-andinformation/freedom-of-expression/freedom-of-information/about/. 9 Fa’avae o le Malo o Samoa, Fuai’upu 13(1). 10 Fa’asilasilaga Aoao o Aiā Tatau a Tagata Soifua, Fuai’upu 19. 11 Na avea Sāmoa o se mālō ‘auai i le ICCPR i le 2008. 12 UN Human Rights Committee (HRC), General comment no. 34, Article 19, Freedoms of opinion and expression, 12 September 2011, CCPR/C/GC/34, https://www.refworld.org/docid/4ed34b562.html. 13 Centre for Law and Democracy & International Media Support, “Briefing Note Series: Freedom of Expression”, (July 2014), p. 3, https://www.mediasupport.org/publication/briefing-note-series-freedom-expression/. See also UN HRC, General comment no. 34, Article 19, para 11. 14 UN HRC, General comment no. 34, Article 19, para 9. 15 UN HRC, General comment no. 34, Article 19, para 9. 16 UN HRC, General comment no. 34, Article 19, para 10. 17 UN HRC, General comment no. 34, Article 19, paras 9-12. Līpoti o le Tulaga o Aiā Tatau a Tagata Soifua 2021 | 11