POUTŪ E TOLU MO LE TĀOFIGA O
SĀUĀGA I TOTONU O ‘ĀIGA
E ‘ogātotonu i felafolafoa’iga o le Su’esu’ega talitonuga fa’avae o le Fa’asāmoa,
Talitonuga Fa’alelotu ma aiā tatau a tagata soifua. O talitonuga fa’avae ia olo’o iai le
ālāfua, tūlaga mana’omia ma ‘auala ‘āfai e fa’atino, e mafai ona tāofia ma puipuia ai
tagata mai so’o se itū’āiga sāuāga i totonu o ‘āiga.
E talisapaia e tu ma le aganuu
fa’asamoa le aofia ai o tagata uma,
fa’aaloalo, feso’ota’iga ma le fīlēmū.
E iai lona talitonuga fa’avae, o
vaega o le Fa’asāmoa e feso’ota’i ma
e fa’alagolago le tasi ona vaega i isi
ona vaega, e pei ona iai i aiā tatau a
tagata soifua. O lea, o le feso’otaiga
o le fa’atinoga o aiā tatau ma le
Fa’asāmoa e mafai ona lagolago le
tasi le tasi auā e fa’avae mea uma ia
e lua i le tāua o le tagata, alofa,
tūlaga tutusa ma le āmana’ia o
tagata.
E iai so’otaga e lē
ma’ave’esea o aiā
tatau a tagata soifua
ma le Fa’asāmoa ma
lo tatou Talitonuga
Fa’alefa’atuatua. O
lona uiga, e mafai
ona mālosi ātili
‘auala e taofi ai
sāuāga i totonu o
aiga pe a aofia ai
vaega ia e tolu.
AIĀ TĀTAU O
TAGATA
SOIFUA
Fefa’aaloaloa’i,
Alofa,
Puipuia, Malupuipuia,
Mamalu/Tamaliiaga,
Faiga Tutusa,
Faiga Tonu
FA'ASAMOA
TALITONUGA
FA'ALEFA'ATUATUA
E fa’avae talitonuga
Kerisiano i le alofa lē
fa’atuā’oia, agalelei, āva,
āmiotonu, fīlēmū ma le
fa’amāgalo. O nei uiga
uma e feso’ota’i ma
talitonuga o le Fa’asāmoa
ma e lagolago e le tasi le
isi, e pei ona
fa’amatalaina i le
so’otaga o le Fa’asāmoa
ma aiā tatau a tagata
soifua.
‘Āfai tatou te puipuia aiā tatau a tagata ta’ito’atasi ua a’afia i sāuāga i totonu o ‘āiga ma puipuia mai le toe sāuāina i le
lumana’i, o le tatou fa’amālosia foi lea o puipuiga malu o nu’u ma afio’aga. E faigōfie ona sosolo atu sāuāga i fafo o ‘āiga ma
a’afia ai nu’u ma tāulaga, e pei ona o tatou molimauina i le fa’atupula’ia o mataupu tau sāuāga i nōfoaga faitele. O le
fa’aleleia o le puipuiga o aiā tatau a tagata ta’ito’atasi, ole’ā fa’apea fo’i ona o tatou puipuia ai aiā tatau a tagata uma.
I’UGA 1 O LE SĀILIILIGA: O sāuāga i totonu o ‘āiga o se matā’upu matuā lavelave ua feagai ma le
atunu’u. O se fa’afītāuli e feso’ota’i māfua’aga, u’una’i o fa’atinoga, ma taunu’uga. E mana’omia
le galulue fa’atasi o le atunu’u i se ‘auala e tāofia ma puipuia ai ona tagata mai sāuāga i totonu o
‘āiga. O se taumafaiga a Sāmoa, e tatau ona fa’avae ma ta’imua le Fa’asāmoa, Talitonuga
Fa’alefa’atuatua ma le ta’iala o Aiā tatau a tagata soifua.
FA'AMATALAGA: SĀILIILIGA LAUTELE I SĀUĀGA I TOTONU O ‘ĀIGA I
SĀMOA 2018
Komesina o Sulufaiga