VAEGA / FAIGA MO LE TĀOFIGA MA LE PUIPUIGA MAI SĀUĀGA I TOTONU O 'ĀIGA MĀLO/ MATĀGALUEGA a le MĀLO Fa’avae se Ofisa mo le Tāofiga o Sāuāga i Totonu o ‘Āiga e ‘fa’amāopo'opoina ‘au’aunaga uma e feso’ota’i ma sāuāga i totonu o ‘āiga ma fa’atino fautuaga tu'uina atu le Lipoti. Fa’avae ma fa’aofi i polokalame a’oa’oina a ā’oga mataupu e aofia ai aiga saogalemu ma mālamalamaga tautupe. Fa’amālosia le sā o fa’asalaga sasa i totonu o ā’oga. Māta’itū ma iloilo taunu’uga o polokalame o lo’o i ai ma nisi polokalame o lo’o fuafua. Si’itia tupe fa’aaogā ma le tu’uina mai o molimau fa’amāonia o galuega o polokalame e fa’afetaia’i ai sāuāga i totonu o ‘āiga. Tu’ufa’atasia le aoina o fa’amaumauga a matāgaluega uma ma Fa’alāpotopotoga Tūma’oti ‘olo’o tu’uina atu ‘au’aunaga. Fa’amālosia le ta’iala fa’aletulafon e ala lea i le pāsia'ina o le Tulafono Taufa’aofi o le Tausiga ma le Puipuiga o Tamaiti, ma le teuteu'ina o le Tulafono o le Saogalemu o Aiga 2013 ina ia aofia ai sāuāga tautupe po o sāuāga tau tamāo’āiga i le fa’atulagana o Sāuāga. Ātīna’e se ta’iala lautele ma au’ili’ili o le māta’itūina ma iloiloga o tulafono uma tau saogalēmū o ‘āiga. Saunia ni nofaga malu ia fetaui ma manaoga o ē o lo’o a'afia i Sāuāga ma ia mautinoa o lo’o mata’itu tulaga fa’atonuina. Mo Leoleo ia fa’atupuina se ‘auala e matuā tē’ena ma lē talia ai so’o se itū’āiga o sāuāga i totonu o le matagaluega. Ia si’itia leoleoga i nu’u ma afio’aga ma fa’atino ni a’oa’oga tau 'āiga saogalemu mo leoleo uma. Matāgaluega o le Soifua Mālōlōina e talia sāuāga i totonu o ‘āiga o se matā’upu tau soifua mālōlōina o tagata lautele, ma ia fa’avae se fa’agāsologa o su’esu’ega o ma’i mo sāuāga i totonu o ‘āiga. Fa’atino a’oa’oga faifaipea mo tagata tomai fa’apitoa tau soifua mālōlōina i le saogalēmū o ‘āiga. Ātīna’e atili le ‘au’aunaga lagolago fa’asoifua mālōlōina mo Sāmoa. Ia maua avanoa mo ‘au’aunaga faufautua e a’oa’oina fa’apitoa Fa’avae se Ofisa ‘Autū o Matā’upu Fa’aletulafono mo Tagata Lautele ia mautinoa o lo’o lava punaoa e fa’atino ai auaunaga ma fa’alauiloa Fa’amalosia ma ‘fa’amāopoopoina ‘au’aunaga a fa’alapotopotoga tumaoti e tali atu i sāuāga i totonu o 'āiga. Atina’e polokalame fou (pe fafau mai polokalame tuai) tau le a’oa’oga e talanoaina ai mafuaga ma 'u'una’i o fa'atinoga o sāuāga. 'AU FA'ASALALAU Fuafua tulaga fa’atonuina mo le lipoti'ina o mataupu e aofia ai mataupu tau sāuāga, ma ia fa’aititia ai a'afiaga ma lamatiaga e fa'asaga i ē o lo’o sāuāina ona o fa’asalalauga. Fa’atino a’oa’oga mo le 'au fa’asalalau i natura, mafua'aga ma a’afiaga o sāuāga i totonu o 'āiga ma le tāua o le sao o le 'au fa’asalalau i le una'ia o faiga tutusa ma le 'aloese mai manatu masani e uiga i sāuāga. FA’ALĀPOTOPOTOGA TŪMA’OTI Fa’atino a’oa’oga ma le ātīna’ega o tomai ma le mafai ona fa’atino o galuega a le vaega o Fa’alāpotopotoga Tūma’oti. Ātīna’e se faiga e fa’ata’atia ai ‘auala o le aoina o fa’amaumauga. Ia mautinoa le iai o faiga tulaga tutusa o alii ma tama'ita'i i polokalamae fa'atino, ma 'aloese mai manatu masani e uiga i sāuāga. Galulue so'oso'otau'au ma le Malo e saunia ma ofo atu 'au'aunaga ese'ese ma talefeagai i ē ua 'a'afia i sāuāga. Faamatalaga: SĀ'ILI'ILIGA LAUTELE I SĀUĀGA I TOTONU O ‘ĀIGA I SĀMOA 2018 Komesina o Sulufaiga