VAEGA / FAIGA MO LE TĀOFIGA MA LE PUIPUIGA MAI SĀUĀGA I TOTONU O 'ĀIGA 'ĀIGA Toe fa’amautū le māsani o le Fa’asāmoa o feso’ota’iga aogā lelei i le vā o mātua ma le tamaitiiti ina ia mafai ona maua se siosiomaga saogalemu mo le fa'asoaina o manatu. Ia foafoa se siosiomaga saogalēmū mo tagata uma mai sāuāga, ma taulamua ma faia ma fata'ita'iga lelei i le fanau. Fa'ataua tū ma aga Fa'asamoa o le fa'aaloalo, Vā Feāloa’i/ tapuia m.m.f. Fa'ailoa ma fa'atino nisi auala talafeagai ma lelei e fa'atonu'ina ai le fanau 'ina ia maua le ola fiafia ma le saogalemu. Ia avea ma tiutetauave ma toe silasila toto'a i nisi auala talafeagai e fa'aiti'itia ai noataga fa'aleaganu'u ma fa'alelotu. EKALESIA / LOTU Toe fa’atino asiasiga fa’aauau i tagata o ‘aulotu ina ia ātīna’e so’otaga lelei. Fa’atino faufautuaga mo ulugāli’i i a latou ‘aulotu, ma fa’avae tapula’a o saofaga fa’alelotu, ia feso’ota’i ma tupe e gafatia e ‘āiga. Fefa’asoaa’i ma fa’avaeina ta’iala a le atunu’u mo faife’au i le feagai ai ma tagata āfāina ma tagata fa’atino sāuāga i totonu o ‘āiga, ia aofia ai le fa’asāina o le fautuaina o se tasi e toe fo’i i se so’otaga o iai sāuāga. Fa'avae nofoaga e malu ai tagata āfāina i sāuāga i totonu o ‘āiga, ma ‘auala mo fa’aseā ma ‘auala e līpoti ai (ma fa’agāsologa o fa’asalaga feso’ota’i) mo tagata o le lotu e fa’atino sāuāga. FONO A NUU Avea sāuāga i totonu o 'āiga ma matā’upu e taga’i i ai Fono. Fa’avave le fa’avaeina o se Komiti a Nu’u mo le Saogalēmū o ‘Āiga e gafa lea i le mata'ituina o matā’upu tau sāuāga. Fai ni tulafono e fa’amālosi’au ai e līpoti atu matā’upu tau sāuāga i totonu o ‘āiga i Fono a Nu’u; fa’ata’atia ai fa’asalaga i matā’upu tau sāuāga i totonu o ‘āiga, e fa’avae i fa’asalaga tupe tolopōina ma/po o fa’asalaga e fa’atino ai galuega mo le manuia o le nu’u; fa’ata’atia ai fa’asalaga i matā’upu tau sāuāga i totonu o ‘āiga, e fa’avae i fa’asalaga tupe tolopōina ma/po o fa’asalaga e fa’atino ai galuega mo le manuia o le nu’u; ma fa’atapula’a ai saofaga i fa’alavelave. Fa’amalosia ma fa'atulafonoina le līpoti atu e Fono a Nu’u i Leoleo sāuāga i totonu o 'āiga. Māta’itū poloa’iga tau puipuiga ma tagata palola i matā’upu tau sāuāga i totonu o ‘āiga. ‘Atofaina nofoaga e malu ai tagata āfāina mai sāuāga i totonu o ‘āiga ma taga’i i le ‘ave’eseina o le fa’asalaga o le fa’atūla’i ‘ese ma le nu’u ona o sāuāga i totonu o ‘āiga, vaganā ua matuā manino lona talafeagai. Faamatalaga: SĀ'ILI'ILIGA LAUTELE I SĀUĀGA I TOTONU O ‘ĀIGA I SĀMOA 2018 Komesina o Sulufaiga