40 Komesina o Sulufaiga (Ombudsman) 2013, Nu. 12 ma le mafuaaga e talitonu ai le Komiti e agavaa le tagata talosaga ina ia fautuaina ai e le Fono Aoao Faitulafono Le Ao o le Malo o le tofiaina; (b) e mafai ona aofia ai faamatalaga ma faamatalaga aloaia ia o lo o faailoaina ai pe na faapefea ona faamalieina e se tagata talosaga so o se taiala faavae lautele o taua i lalo o le fuaiupu 7. (3) E ao ona faaooina atu se ata o le lipoti i le Palemia. 6. Taiala faavae faapitoa - E lē agavaa se tagata talosaga mo le tofiaina e avea ma Komesina o Sulufaiga seia vagana ai ua tauagavaaina mo le tofiga e avea ai o se faamasino o le Faamasinoga Faaitumalo ma faamalieina taiala faavae nei: (a) e lautele atu le malamalama po o le poto masani i mea ua taua e faapea: (i) o talitonuga faavae i aia tatau a tagata soifua ma tulafono talafeagai o aia tatau a tagata soifua faalotoifale ma faava o malo; (ii) o le faalauiloaina ma le puipuiga o aia tatau a tagata soifua; (iii) faiga-Malo lelei ma pulega lautele; ma (b) e i ai le malamalama ma le poto masani i pulega ma faafoega lautele; (c) ua aloaia o ia o se tagata e faatuatuaina ma amio lelei; ma (d) e mafaigafatia ona faatinoina le tofi faatasi ai ma lona tulaga tutoatasi ma le lē faaituau; ma (e) o se tagatanuu moni o Samoa; ma (f) so o se isi taiala faavae ua faatonuina e tulafono faatonutonu. 7. Taiala faavae lautele - I le iloiloina ai o tagata talosaga, e mafai e le Komiti ona iloilo so o se taiala faavae lautele ua taua e faapea: (a) le atamai o, po o le poto masani i (i) le tamaoaiga o i ai nei, tulaga tau galuega ma mataupu taua i tagata lautele;