2013, Nu. 12 Komesina o Sulufaiga (Ombudsman) 39 (e) so o se isi tagata ua faatonutonuina e tulafono faatonutonu. (3) O le auai o sui uma e faatoa mafai ai ona usuia se fonotaga. (4) E mafai e le Komiti ona faatonutonu ana ia taualumaga o fonotaga. 2. Galuega tauave - E ao i le Komiti ona iloilo talosaga ma fuafua sui faatu mo tofiga po o le toe tofiaina e avea ai o le Komesina o Sulufaiga. 3. Faasalalauga o avanoa-(1) Afai e avanoa le tulaga tofi o le Komesina o Sulufaiga po o le a avanoa i totonu o le ono (6) masina a o lumanai ai le faamutaina o le vaitaimi o le tofi, e ao i le Malo ona faasalalau le avanoa o le tofiga i se nusipepa e sili ona lautele ana faasalalauga i Samoa. (2) E ao i le Malo ona tuuina atu le lisi o le faasologa o tagata talosaga, o i latou ia ua tali mai i le faasalalauga i lalo o le faafuaiupu (1), e aofia ai so o se tagata agavaa e toatasi e filifilia mo le tofiga (“tagata talosaga”), i komiti mo le faia o faaiuga. (3) Afai e leai se tagata talosaga e agavaa i lalo o le fuaiupu 6, e ao ona toe faasalalauina le avanoa. 4. Faia o faaiuga o talosaga - I le fuafuaina o tulaga agavaa o tagata talosaga mo le tofiga po o le toe tofiaina, e ao i le Komiti ona: (a) amanaia le fuaiupu 6; ma (b) amanaia le fuaiupu 7. 5. Lipoti a le Komiti-(1) I le maea ai ona faia le faaiuga o talosaga, e ao i le Komiti ona saunia ma tuuina atu i le Fono Aoao Faitulafono se lipoti o ana faaiuga e faatulaga atu ai: (a) igoa o tagata talosaga agavaa uma; ma (b) le taualumaga o iloiloga. (2) E ao i le lipoti ona: (a) aofia ai faamatalaga ma faamatalaga aloaia ia o lo o faailoaina ai le faiga e faamalieina e se tagata talosaga taiala faavae o lo o taua i le fuaiupu 6,