38 Komesina o Sulufaiga (Ombudsman) 2013, Nu. 12 VAEGA 2 - TAUTOGA/FAAMAONIGA O TULAGA FAALILOLILO MO TAGATA FAIGALUEGA O au, ............................, [ou te tauto i le Atua e Ona le Malosi Uma Lava/faamaonia] o le a ou le faaalia i se ala tautino po o le faaalatua so o se faamatalaga ou te mauaina po o e avea ai se tasi ma ou sui i lalo o le Tulafono, ae vagana ai e ono mafai ona manaomia i le faatinoga o au galuega. [Ia fesoasoani mai le Atua ia te au]. FAAMATALAGA 3 (fuaiupu 8 ma le 17) FILIFILIGA MA TAIALA FAAVAE 1. Faavaeina-(1) Ua faavaeina le Komiti e Iloiloina (“Komiti”) e aofia ai sui auai nei: (a) o le Taitaifono o le Komisi o le Aufaigaluega o Galuega a le Malo, e avea ma Taitaifono; (b) o se faamasino ua faamalolo litaea po o se loia e agavaa mo le tofiaina e avea o se faamasino o le Faamasinoga Maualuga, e tofia e le Taitaifono; (c) o se sui auai e fai ma sui o faalapotopotoga o sosaiete a tagata lautele ma le vaega tumaoti, e tofia e le Taitaifono. (2) O tagata nei e lē agavaa mo le tofiaina i lalo o le fuaiupu 1(1) po o le (c): (a) o se sui usufono o le Palemene; (b) o se Minisita; (c) se tagata faigaluega i le Malo po o se tagata o lo o faafaigaluega e le Malo po o lo o galue i “galuega a Samoa” o lona uiga o lo o i lalo o le Mataupu 111 o le Faavae; (d) o se faatonu po o se tagata faigaluega o se faalapotopotoga a le Malo ua faatonutonuina i lalo o le Tulafono o Faalapotopotoga a le Malo (Faatinoga o Galuega ma le mafai ona tali atu) 2001;