30 Komesina o Sulufaiga (Ombudsman) 2013, Nu. 12 (2) O sui o le aufaigaluega e lipoti atu i ma e tali atu i le Komesina o Sulufaiga. (3) O le Komesina o Sulufaiga ma le aufaigaluega ua avea e faapea e le o faafaigaluegaina i totonu o Galuega a le Malo mo faamoemoega o le Tulafono o Galuega a le Malo 2004. 54. Tofiga ma totogi o le aufaigaluega-(1) I le noatia ma le fai fuafua i lenei fuaiupu, e mafai e le Komesina o Sulufaiga ona tofia se aofaiga ua tatau ai o le aufaigaluega mo faamoemoega o lenei Tulafono. (2) E mafai e le Komesina o Sulufaiga ona fuafua: (a) totogi ma alauni o le aufaigaluega; ma (b) o tuutuuga ma aiaiga o latou tofiga, i le amanaia ai o totogi, alauni, tuutuuga ma aiaiga o tofiga a lala sooupu tutoatasi e uiga tutusa a le Atunuu. (3) E tatau i le Komesina o Sulufaiga ona: (a) faafaigaluega tagata i lalo o lenei Tulafono i lalo o konekarate tau galuega; ma (b) ia amanaia le tala faatatau o le tupe a le Ofisa pe a tofia tagata mo le faamoemoe o lenei Tulafono. (4) I totonu o lenei fuaiupu, “tofia” e aofia ai le faamaonia, siitia le tulaga tofi, faaitiitia le tulaga tofi, toe siitia le tulaga o le totogi, faatonutonu le amio pulea, faamalolo lē tumau, faamutaina po o le toe tofia. (5) Afai o tagata ofisa ma tagata faigaluega i totonu o Galuega a le Malo o le a tuuina atu i ai se siitaga lautele i totogi po o alauni, o totogi po o alauni o le aufaigaluega o le a faapea lava ona siitia. 55. Taiala mo le faafaigaluegaina-(1) E mafai e le Komesina o Sulufaiga ona tuuina atu o taiala mo le faafaigaluegaina o faatulagaina ai: (a) taualumaga mo le tofiaina, mataupu tau le amio pulea, faaitiitia o tulaga tofi, faamalolo lē tumau po o le faamutaina o galuega; ma (b) isi mataupu e faasino i galuega i lalo o lenei Tulafono.