26 Komesina o Sulufaiga (Ombudsman) 2013, Nu. 12 (b) e leai se faamatalaga molimau i totonu o so o se taualumaga po o se suesuega i luma o le Komesina o Sulufaiga e tatau ona tuuina atu e faasaga i se tagata. (3) E lē noatia se tagata i se moliaga mo se soligatulafono e faasaga i se tulafono, e ese mai ai i lo lenei Tulafono, ona o le mafuaaga o le tausisia e le tagata o se manaoga o le Komesina o Sulufaiga i lalo o lenei Vaega. 46. Alauni ma totogifuapauina-(1) O se tagata o ia lea ua manoamia ina ia tulai i luma o le Komesina o Sulufaiga i lalo o le Vaega 3, 4 po o le 5, e agavaa i totogifuapauina, alauni mo tagata molimau, ma tupe faaaogā ua faatulagaina i lalo o tulafono faatonutonu ua faia i lalo o le Tulafono o Taualumaga Tau Solitulafono 1972. (2) Mo le faamoemoe o le faafuaiupu (1), o le Komesina o Sulufaiga e i ai malosiaga o se faamasinoga i lalo o tulafono faatonutonu e faatulaga ai pe teena, i le atoaga po o i sona vaega, po o le siitia o le aofaiga o tupe e mafai ona totogiina atu i lalo o tulafono faatonutonu. 47. E lē manaomia le faailoaina atu o nisi mataupu - I le noatia ma le fai fuafua i le fuaiupu 49, so o se tulafono po o isi tulafono lea e faatagaina po o manaomia ai le taofia o se pepa aloaia, po o le teena o le tali atu i so o se fesili, i luga o le mafuaaga e faapea, o le faailoaina atu o le faamatalaga po o le taliina o le fesili e ono faamanualia ai le tulaga e manuia ai tagata lautele, e lē faaaogāina i se suesuega, taualumaga po o se sailiiliga i lalo o lenei Tulafono. 48. Malosiaga e ulufale ai i nofoaga ma fale-(1) Mo faamoemoega o lenei Tulafono, peitai e noatia ma fai fuafua i isi aiaiga o lenei fuaiupu, e mafai e le Komesina o Sulufaiga ona: (a) ulufale ma asiasia so o se nofoaga ma fale o nofoia e se Matagaluega, faalapotopotoga, ma e noatia ma fai fuafua i le fuaiupu 43 ma le 44, ma faatino o se suesuega i totonu o nofoaga ma fale, i lalo o le Vaega 3;