2013, Nu. 12 Komesina o Sulufaiga (Ombudsman) 25 (4) I le faatinoina o se suesuega po o se sailiiliga, o le Komesina o Sulufaiga: (a) e lē saisaitia e tulafono faafoe ua faamalosia o faamatalaga molimau po o taualumaga; peitai (b) e ao, i taimi uma lava, ona tausisi i taiala faavae o faiga amiotonu. 44. Puipuia o tulaga faalilolilo-(1) I le noatia ma le fai fuafua i le faafuaiupu (2), o se tagata o ia lea ua saisaitia e se tulafono, e ese mai ai i lo le Tulafono o Galuega a le Malo 2004, e lē manaomia ina ia tausia le tulaga faalilolilo o se mataupu: (a) e tuuina atu ai so o se faamatalaga i pe tali i se fesili e tuuina atu e le Komesina o Sulufaiga i lena mataupu; po o (b) ia tuuina atu o se pepa aloaia po o se mea e faasino i le mataupu, pe afai o le tausisia o manaoga o le a ono solia ai le tulafono. (2) E mafai e le Komesina o Sulufaiga ona manaomia le tagata, faatasi ai ma le mauaina muamua o se maliega tusitusia a se tagata o faasea, e tuuina atu ai faamatalaga po o le tali i se fesili po o le tuuina atu o se pepa aloaia po o se mea e faasino na o le tagata faasea lava. (3) E ao i le tagata ona tausisi i le faafuaiupu (2). 45. Tulaga aloaia ma puipuiga mausali-(1) E tutusa tulaga aloaia ma puipuiga mausali e maua e se tagata, i le tuuina atu o faamatalaga, taliina o fesili ma le tuuina atu o pepa aloaia ma mea e pei ona i ai i tagata molimau i totonu o se faamasinoga. (2) Ae vagana ai i le faamasinoga o se tagata mo le tauto pepelo i lalo o le Tulafono o Solitulafono 1961 i luga o se tautinoga a se tagata ua faatautoina: (a) e leai se faamatalaga e faia po o se tali e tuuina atu e le tagata po o se isi tagata i se suesuega po o taualumaga i luma o le Komesina o Sulufaiga, e mafai ona taliaina e avea o se faamatalaga molimau e faasaga i se tagata i totonu o se faamasinoga po o i se suesuega po o i totonu o so o se isi taualumaga; ma