2013, Nu. 12 Komesina o Sulufaiga (Ombudsman) 17 (4) Afai, i totonu o se taimi ua talafeagai ai talu ona faia le lipoti, e leai se gaoioiga e faia lea ua manatu le Komesina o Sulufaiga e ao ona lava atoatoa ma talafeagai, e mafai e le Komesina o Sulufaiga: (a) ina ua maea ona iloilo so o se manatu ua faia e le Matagaluega po o le faalapotopotoga ua aafia ai i le lipoti, ona aveina atu se ata o le lipoti ma ni fautuaga i le Palemia; ma (b) faia se lipoti i le Palemene i lea mataupu. (5) E ao i le Komesina o Sulufaiga ona faapipiiina i le lipoti ua auina atu i lalo o le faafuaiupu (4) se ata o so o se manatu ua faia e le Matagaluega po o le faalapotopotoga ua aafia ai i le lipoti. 29. Aia tatau e fofogaina ai e uiga i so o se manatu matuia - E ese mai i le fuaiupu 28, e lē tatau i le Komesina o Sulufaiga, i so o se lipoti ua faia i lalo o lenei Tulafono, ona faia se manatu e lē logomalie i se tagata seia vagana ai ua tuuina atu e le Komesina o Sulufaiga le avanoa i se tagata e fofogaina ai. 30. E ao ona logoina lē ua faasea e uiga i le faaiuga o le suesuega-(1) Afai, o se suesuega e mulimuli atu i se faasea, ua faia e le Komesina o Sulufaiga se fautuaga i lalo o le fuaiupu 28(2) ma le (3), ma e leai se gaoioiga lea ua foliga mai i le Komesina o Sulufaiga e faapea ua lava atoatoa ma talafeagai e faia i luga o le fautuaga i totonu o se taimi talafeagai, o le Komesina o Sulufaiga: (a) e ao ona ia logoina lē ua faasea e uiga i le fautuaga; ma (b) e mafai ona faia so o se manatu i luga o le mataupu. (2) E ao i le Komesina o Sulufaiga i so o se tulaga ona logoina lē ua faasea i se faiga tusitusia, e uiga i le suesuega. 31. E lē tatau ona fesiligia pe noatia i se iloiloga ni taualumaga-(1) E lē tatau ona tauleagaina se taualumaga a le Komesina o Sulufaiga ona o se lē atoatoa o le faiga o lo o faatino ai, ae vagana ai i luga o se mafuaaga i le lē atoatoa o se puleaga faale-faamasinoga.