16 Komesina o Sulufaiga (Ombudsman) 2013, Nu. 12 o ni mafuaaga lē tatau po o i le amanaiaina ai o ni iloiloga lē talafeagai; po o (ii) mo se faaiuga ua faia i le faatinoga o se pule faitalia toatasi, sa tatau ona tuuina mai ni mafuaaga mo le faaiuga. (2) Afai i se itu e faaaogāina i ai lenei fuaiupu ua i ai i le Komesina o Sulufaiga le manatu e faapea: (a) sa tatau ona tuuina atu lea mataupu i le pulega talafeagai mo se toe iloiloga; po o (b) sa tatau ona toe faasao le mea ua lē faia; po o (c) sa tatau ona faalēaogāina pe suia le faaiuga; po o (d) sa tatau ona toe teuteuina so o se faatinoga masani, fautuaga, gaoioiga po o se mea ua lē faia, lea sa faavae ai i luga le faaiuga; po o (e) sa tatau ona toe iloiloina so o se tulafono fautuaga, gaoioiga, mea ua lē faia lea o lo o faavaeina ai i luga le faaiuga; po o (f) sa tatau ona tuuina mai ni mafuaaga mo le faaiuga; po o (g) sa tatau ona faia so o se isi laasaga, e ao i le Komesina o Sulufaiga ona lipotia le manatu ma mafuaaga i le Matagaluega talafeagai po o le faalapotopotoga ma e mafai ona faia ni fautuaga. (3) Mo faamoemoega o le faafuaiupu (2), o le Komesina o Sulufaiga: (a) e mafai ona ia talosagaina le Matagaluega po o le faalapotopotoga ina ia logoina le Komesina o Sulufaiga, i totonu o se taimi ua faamaotiina, po o so o se laasaga ua ia fuafuaina e faia ina ia aloaia ai fautuaga a le Komesina o Sulufaiga; ma (b) e ao ona ia auina atu se ata o le lipoti ma fautuaga i le Minisita po o le faalapotopotoga e aafia ai i le lipoti; po o (c) e mafai ona faalauaiteleina le lipoti pe afai o le lipoti e faasino (i) i sana ia lava suesuega; po o (ii) i se mataupu ua uma ona faalauaitele ma ua avea o se auala e manuia ai tagata lautele le faalauaiteleina o le lipoti.