2013, Nu. 12 Komesina o Sulufaiga (Ombudsman) 13 (b) o se gasegase taofia i lalo o le Tulafono o le Tulaga Maloloina o le Mafaufau 2007, e ao ona faaoo vave atu loa i lea taimi, e aunoa ma le tatalaina, i le Komesina o Sulufaiga, e se tagata o lo o pulea le nofoaga po o le faalapotopotoga lea o lo o taofia ai le tusiaina o lea tusi po o le gasegase o lo o taofia. (3) O so o se tagata, e ese mai lo le Komesina o Sulufaiga, o ia lea ua ia tatalaina se tusi, ua lē usitaia ai le faafuaiupu (2), ua ia faia se soligatulafono ma ua noatia i se sala tupe e lē silia le 20 iunite tau faasalaga. 23. Teena le suesueina o faasea-(1) E mafai e le Komesina o Sulufaiga ona teena le toe suesueina o se faasea, pe afai, ina ua faia le suesuega e tusa ai o lana puleaga, e foliga mai i le Komesina o Sulufaiga e faapea: (a) i lalo o le tulafono po o faiga masani tau pulega o lo o i ai i lea taimi e faapea, o lo o i ai se vaifofo po o se aia tatau e talosaga ai, e ese ai i lo le aia tatau e talosaga ai i le Palemene (tusa lava po o ua faaaogāina pe leai e lē ua faasea le vaifofo po o le aia tatau); po o (b) i le amanaia ai o tulaga uma ua aliae mai e uiga i lea mataupu, e lē talafeagai ona toe faia se suesuega. (2) E aunoa ma le faatapulaaina o malosiaga i lalo o lenei Tulafono, e mafai e le Komesina o Sulufaiga ona filifili ina ia lē suesueina po o ia lē toe suesueina se faasea pe afai: (a) e faasino i se faaiuga tau pulega lea o lo o ua i ai le malamalama i lē ua faasea mo le silia i le 12 masina a o le i mauaina e le Komesina o Sulufaiga le faasea; po o (b) i le manatu o le Komesina o Sulufaiga (i) o le mataupu autu o le faasea e faatauvaa; po o (ii) o le faasea e lē matuia po o faatupu vevesi po o e le o faia i se agaga lelei; po o (iii) e le o i ai i lē ua faasea se aia talafeagai atoatoa tau le tagata lava ia i le mataupu autu o le faasea.