2013, Nu. 12 Komesina o Sulufaiga (Ombudsman) 11 (b) i le noatia ma le fai fuafua i so o se faatonuga faapitoa a le komiti (i) ia suesueina le talosaga po o se mataupu pe afai o lo o i totonu o se puleaga a le Komesina o Sulufaiga; ma (ii) faia se lipoti i le komiti. (2) O fuaiupu 23, 29, po o le 30 e lē faaaogāina i le suesuega po o le lipoti ua faia i lalo o le faafuaiupu (1). (3) E aunoa ma le faatapulaaina o le fuaiupu 18 ma le faafuaiupu (1), e mafai e le Palemia, ona tuuina atu se mataupu i le Komesina o Sulufaiga (ae vagana ai se mataupu e uiga i se taualumaga faa-faamasinoga) pe afai ua malie atu le Komesina o Sulufaiga i le tuuina atu mo se suesuega ma le lipoti. (4) E ui lava i isi aiaiga o lenei Tulafono, o le Komesina o Sulufaiga: (a) e ao ona (i) suesueina le mataupu o lo o i lalo o le faafuaiupu (3) pe afai o lo o i totonu o le pulega a le Komesina; ma (ii) faia se lipoti i le Palemia; ma (b) e mafai ona auina atu se ata o le lipoti i le Palemene. (5) E lē faaaogāina le fuaiupu 28 i se suesuega po o se lipoti ua faia i lalo o le faafuaiupu (4). 20. Faaaogāina o le malosiaga i se tulaga e sili atu - E mafai ona faatinoina malosiaga o le Komesina o Sulufaiga i lalo o lenei Tulafono e avea o se tuusaunoaga i so o se tulafono i le tulaga e faapea: (a) ua mausali le faaiuga tau pulega; po o (b) e leai se talosaga ua faataatia mai mo le faaiuga tau pulega; po o (c) e leai se taualumaga po o se faaiuga a le tagata po o le faalapotopotoga lea ua tatau ai ona fesiligia, iloiloina, faalēaogāina, po o le valaauina i se mataupu fesiligia. 21. O mataupu e ao ona lē suesueina-(1) E lē faatagaina e lenei Tulafono ona faatagaina le Komesina o Sulufaiga e suesue so o se mataupu e faapea: