10 Komesina o Sulufaiga (Ombudsman) 2013, Nu. 12 (4) Afai ua i ai se tulaga lē mautinoa e tusa ai o le aso e aloaia ai le avanoa o le tofi, o le a fuafuaina e le Fofoga Fetalai le aso. 17. Avanoa-(1) Ua avanoa le tofi o le Komesina o Sulufaiga pe afai ua maliu le Komesina o Sulufaiga, litaea po o ua faamavae po o ua aveesea mai le tofi po ua avanoa le tofi e tusa ai o le fuaiupu 16. (2) E ao ona faatumuina le avanoa e tusa ai o le fuaiupu 7 ma le Faamatalaga 3. VAEGA 3 FAAIUGA TAU PULEGA Vaevaega 1 - Malosiaga ma taualumaga 18. Malosiaga e suesueina ai faaiuga tau pulega-(1) E mafai e le Komesina o Sulufaiga, i luga o se faasea po o i lana lava fuafuaga, ona suesueina so o se faaiuga tau pulega lea ua aafia ai se tagata i le tulaga tau le tagata lava ia, ua faia e so o se vaega ua taua i lalo: (a) o se Matagaluega po o se faalapotopotoga; po o (b) se tagata ofisa pe afai o lo o faatinoina se malosiaga po o se galuega tauave ua faaeeina atu e se tulafono ua faamamaluina. (2) E mafai e le Komesina o Sulufaiga, ona amatalia se suesuega ina ua mauaina se faasea tusa lava pe afai o le faasea e lē mafai, i lona foliga mai ua faia e faasaga i se faaiuga tau pulega. 19. O le tuuina atu o mataupu e komiti faa-palemene po o le Palemia-(1) E aunoa ma le faatapulaaina o le fuaiupu 18, e mafai e se komiti o le palemene ona tuuina mai i le Komesina o Sulufaiga: (a) ina ia suesueina se talosaga o lo o i luma o lena komiti, mo se iloiloga, po o se mataupu lea o lo o faasino i ai le talosaga; ma