initaneti e fa’aali ai o latou tāofi. Ua fa’atuatuai taumafaiga e fa’afetaia’i soligatulafono i luga o le initaneti talu ai ‘olo’o fa’agāsolo pea feutaga’iga mo le ‘auai atu o Sāmoa i le Feagaiga na sainia i Budapest.128 FA’AMATALAGA FA’AMĀLAMALAMA: O le ā le Feagaiga na sainia i Budapest?129 O le Feagaiga i Solitulafono e Fa’aaogā ai le Initaneti e ta’ua fo’i o le Feagaiga na sainia i Budapest, o le ulua’i feagaiga fa’avāomālō lea ua taumafai e tali atu i soligātulafono e fa’aaogā ai le Initaneti ma komepiuta (cybercrime) e ala i taumafaiga ia ōgatasi tulafono a atunu’u, fa’aleleia o auala o su’esu’ega, ma le si’itia o le galulue felagolagoma’i o atunu’u. O le fa’anaunauga ‘autū, ua fa’ata’atia i le fa’atomuaga, o le tulituliloa lea o se faiga fa’avae faitele e taula’i i le puipuiga o tagata mai solitulafono i luga o le initaneti, e ala i le fa’aaogāina o tulafono talafeagai ma le fa’atupuina o le galulue felagolagoma’i fa’avāomālō. O itū tāua ‘olo’o taula’i i ai le taga’i a le Feagaiga o le:  Ia ōgatasi talitonuga fa’avae o tulafono a le atunu’u tau solitulafono ma aiaiga feso’ota’i i le itū tau soligatulafono i luga o le initaneti  Ia iai i tulafono tau fa’agāsologa o matā’upu tau solitulafono a le atunu’u ni aiaiga mo malosi’aga mana’omia mo su’esu’ega ma mōliaga o solitulafono fa’apea ma isi solitulafono e fa’atino e ala i se faiga fa’akomepiuta po o ni molimau e feso’ota’i, ‘olo’o i se faiga fa’a’eletoroni  Ia fa’avae se faiga o le galulue felagolagoma’i fa’avāomālō e vave ona feso’ota’iga ma aogā lelei E iai le tu’utu’uga fa’aopoopo o le Feagaiga, le Tu’utu’uga Fa’aopoopo o le Feagaiga i Solitulafono e Fa’aaogā ai le Initaneti. O lea Tu’utu’uga Fa’aopoopo e mana’omia ai Mālō ‘auai ia avea o se solitulafono le fa’asalalauina i luga o faiga fa’akomepiuta o fa’amatalaga taufāifai ona o le tupu’aga ma fa’amatalaga taufāifai i tagata mai isi atunu’u, fa’apea le taufa’amata’u ma upu fāifai e māfua i le ‘ino’ino i tagata ona o lo latou tupu’aga pe ō mai i se isi atunu’u. ‘Olo’o fa’atino pea feutaga’iga mo le ‘auai o Sāmoa i le Feagaiga na sainia i Budapest O le to’atele o i latou na sa’ili i ai ni finagalo i le fa’afetaia’iga o matā’upu e feso’ota’i ma le mauaina ma le fa’aaogāina o le initaneti na tali mai e mana’omia e Sāmoa tulafono e puipuia ai le saogalēmū o tamaiti i luga o le initaneti.130 E lē gata i lea, e iai fo’i auala e ‘ese mai ma le tulafono na fa’atuina mai e aofia ai le mana’oga ia fa’atino e i latou ‘olo’o auala mai ai ‘au’aunaga tau initaneti e fa’aaogā a latou puna’oa e fa’atino ai a’oa’oga mo le atunu’u lautele e fa’atupu ai le silafia ma polokalame o a’oa’oga mo le saogalēmū o tamaiti ma lo latou mauaina o fa’amatalaga lē talafeagai, faiga fa’atāutala ma le taufa’amata’u i luga o le initaneti.131 E le’i leva nei ona ‘āmata le polokalame o le GET SAFE ONLINE SĀMOA mo le saogalēmū i luga o le initaneti ‘olo’o galulue fa’atasi ai le Get Safe Online Pacific ma le Matāgaluega o Feso’ota’iga ma Fa’amatalaga Televavave 128 MCIT folasaga tusitusia. The Office of the Attorney General is currently conducting a review of Samoa’s legislative framework to prepare for accession to the Convention. For more information on cybercrime see Council of Europe Action against cybercrime webpage: https://www.coe.int/en/web/cybercrime/home. 129 See Convention on Cybercrime 2001 here: https://rm.coe.int/1680081561. 130 Fefa’asoaa’iga a vaega patino (Upolu & Savai’i). Samoa Observer folasaga tusitusia. 131 Talamua folasaga tusitusia. Līpoti o le Tulaga o Aiā Tatau a Tagata Soifua 2021 | 32