E kore e taea e te kāwanatanga te karo i ōna takohanga tika tangata, tae atu ki te takohanga ki te whakarato i ngā whare ohotata rawaka mō te hunga kore kāinga, mā te whakanonoi tonu, ahakoa ngā mūhoretanga o te pūnaha wharenoho ohotata, ko te aronga kē he kino ake i te mea kua kore te tangata e whiwhi wāhi noho. Kua rongo mātou i ngā tāngata i hoki anō ki te moe i roto i ō rātou waka nā te mea he haumaru ake i ngā wharenoho ohotata. He tauira tēnei o te ngoikore o te hoahoatanga me te whakahaeretanga o te pūnaha o te wā nei. I tētahi whenua pēnei i a Aotearoa, me kaua e mauminaminatia te kore kāingatanga, te pūnaha wharenoho ohotata ngoikore rānei, otirā ka takahi ngā mea e rua i ngā tika tangata. Kāore te hunga e tino matea ana i te whai hua i te pūnaha wharenoho ohotata o te wā nei. Engari ehara i te mea kāore e taea te whakatika, kāore rānei he āpōpō mōna. E kite ana mātou i ngā tohu pai i te whakaurunga o ngā hōtaka pairete e whakakotahi nei i ngā rōpū huhua rerekē ki te mahi ngātahi ki te rapu huarahi hou. Ko tā ngā kaiwhakarato whare me ngā ratonga pāpori, ngā rōpū hapori, ngā hapū me ngā iwi he whai i ngā mahi whakaora tangata, otirā i rongo mātou i ngā whakaaro maha ki te rapu i ngā tikanga mahi arokē e puta ai pea he hua. Ko tā te arotake a te kāwanatanga me te whakahoutanga o te pūnaha wharenoho ohotata, he tāpae āheinga ki te hāpai ake i ēnei tikanga me ngā kaupapa hou. Me kaua te wairua whakawehi e whakapōrearea i te whāinga o ngā āheinga ki te whakamātau i tētahi mea hou. Koinei te wā, kāhore he wā kē atu, kia whakaaro pākaha, manawanui hoki tātou ki te āhua o tētahi pūnaha wharenoho rawaka, ki te whakakore i te kore kāingatanga. Mā te mahi tahi, me te whakaaro pohwea, ka taea e tātau te waihanga i tētahi ao e whai whare rawaka ai ngā tāngata katoa o Aotearoa, i poua ki Te Tiriti o Waitangi. 9