ހިއުމަން ރައިޓްސް ކޮމިޝަން އޮފް ދަ މޯލްޑިވްސް
2323މިނިވަންކަން ގެއްލޭގޮތަށް ދައުލަތުގެ ބެލުމުގެ ދަށުގައި މީހުންނާއި ކުދިން ބައިތިއްބާ ތަންތަނުގެ ޙާލަތު
23.23.1ޑޮކްޓަރަށް ދެއްކުމާއި ބޭސް ފަރުވާ
29296އެން.ޕީއެމް.އިން ޒިޔާރަތްކުރި އެކި މަރުކަޒުތަކުގައި ތިބޭ ފަރާތްތައް ޚާއްޞަ ޑޮކްޓަރުންނަށް ދެއްކުމަށް އެޕޮއިންޓްމަންޓް ނުލިބި
ގިނަ ދުވަސްވާކަން ފާހަގަކުރެވިފައިވެއެވެ .އެން.ޕީއެމް.އިން ޒިޔާރަތްކުރި ބައެއް މަރުކަޒުތަކުގައި ތިބޭ ފަރާތްތަކުގެ ބޭސް
ހޯދުމުގައި ދަތިތަކެއް ދިމާވާކަމާ އަދި ބޭސް ފަރުވާއާގުޅޭ މަޢުލޫމާތު ވަކިން ލިޔެކިޔުމުން ރެކޯޑްކޮށް ބަލަހައްޓަމުން ނުދާކަން
ފާހަގަކުރެވިފައިވެއެވެ .މި ގޮތުން ،ދިން ބޭސް ،ބޭހުގެ ޑޯޒް ،ބޭސް ދިން ތާރީޚް ،ބޭސް ދިން ގަޑި ،ބޭސް ދިން މުވައްޒަފުގެ
މަޢުލޫމާތު ލިޔެކިޔުމުން ބަލަހައްޓާފައި ނުވާކަން ފާހަގަކުރެވިފައިވެއެވެ .މި ކަމަކީ އެން.ޕީ.އެމް .ގެ ޒިޔާރަތްތަކުން މިކަން
ފާހަގަކުރެވިފައިވާ މަރުކަޒުތަކުން ،ރަނގަޅުކުރުމަށް ކަމާގުޅޭ އިދާރާތަކަށް ހުށަހެޅި ،ނަމަވެސް އެދެވޭވަރަކަށް އިޞްލާޙީ ފިޔަވަޅު
އަޅާފައި ނުވާކަމެއްކަން ފާހަގަކުރެވިފައިވެއެވެ.
23.23.2ކްލޯޒްޑް ސަރކިޓް ޓެލެވިޜަން (ސީ.ސީ.ޓީ.ވީ)
29297އެން.ޕީއެމް.އިން ޒިޔާރަތްކުރި އެކި މަރުކަޒުތަކުގެ ސަރަޙައްދުތައް މޮނިޓަރ ކުރުމަށް ސީ.ސީ.ޓީ.ވީ ކެމެރާ ޤާއިމްކުރެވިފައި
ނެތްކަމާއި ބައެއް މަރުކަޒުތަކުގައި އެކަށީގެންވާ އަދަދަށް ނެތްކަމާ ''ބްލައިންޑް ސްޕޮޓްސް'' ހުރިކަމާއި ބައެއް ކެމެރާތައް
މަސައްކަތްނުކުރާކަން
ފާހަގަކުރެވިފައިވެއެވެ.
23.23.3ބަންދުގައި ތިބޭ މީހުން ގިންތިކުރުން
29298އެން.ޕީއެމް.އިން ޒިޔާރަތްކުރި އެކި މަރުކަޒުތަކުން ގިންތިކުރުމުގައި ގޮންޖެހުންތައް ހުރިކަމާއި އެ މަރުކަޒުތަކަށް ޚާއްޞަ
ޤައުމީ އަދި ބައިނަލްއަޤްވާމީ ލިޔެކިޔުންތަކުގައި ބަޔާންކޮށްފައިވާ ގޮތަށް ގިންތި ކުރަމުން ނުދާކަން ފާހަގަކުރެވިފައިވެއެވެ .މި
ގޮތުން ،ކަސްޓޯޑިއަލްތަކާއި ބައެއް ސްޓޭޝަންތަކ��ގައި ރިމާންޑް ބަންދު މީހުން ތިބިކަމާއި މި ފަރާތްތަކަށް ރިމާންޑް ޖަލެއްގައި
ލިބެންޖެހޭ އިނާޔަތްތައް ނުލިބޭކަމާއި ،ގިނަ ޖަލުތަކުގެ ގޮޅިތަކުގައި މީހުން ބައިތިއްބާއިރު ކުށުގެ ބާވަތުން ގިންތި ނުކުރާކަމާއި،
ޚާއްޞައެހީއަށް ބޭނުންވާ މީހުންގެ މަރުކަޒުގައި 18އަހަރުން ދަށުގެ ކުޑަކުދިންވެސް ތިބެނީ ބޮޑެތި މީހުންނާއެކުކަން
ފާހަގަކުރެވިފައިވެއެވެ.
23.23.4މަރުކަޒުތަކުގެ ޖާގައިގެ ދަތިކަން
29299އެން.ޕީއެމް.އިން ޒިޔާރަތްކުރި އެކި މަރުކަޒުތަކުގައި ތަނުގެ ޖާގައަށް ވުރެން ގިނައިން މީހުން/ކުދިން ތިބިކަން ފާހަގަކުރެވިފައިވެއެވެ.
މި ކަމަކީ އެން.ޕީ.އެމް .ގެ ޒިޔާރަތްތަކުން މިކަން ފާހަގަކުރެވިފައިވާ މަރުކަޒުތަކުން ރަނގަޅުކުރުމަށް ކަމާގުޅޭ އިދާރާތަކަށް
ހުށަހެޅި ނަމަވެސް އެދެވޭވަރަކަށް އިޞްލާޙީ ފިޔަވަޅު އަޅާފައި ނުވާކަމެއްކަން ފާހަގަކުރެވިފައިވެއެވެ.
23.23.5އިނާޔަތް
30300އެން.ޕީއެމް.އިން ޒިޔާރަތްކުރި ބައެއް ޕޮލިސް ސްޓޭޝަންތަކުގައި ބަންދުގައިތިބޭ މީހުންގެ ތެރެއިން ނުކިޔަމަންތެރިވާ
މީހުންނާމެދު ފިޔަވަޅު އެޅުމުގެ ގޮތުން އެ ފަރާތްތަކުގެ އިނާޔަތް ކެނޑުމުގެގޮތުން އަސާސީ ޙައްޤުތައް ދިނުން ވަކި މުއްދަތަކަށް
މެދުކަނޑާލާކަން ފާހަގަކުރެވިފައިވެއެވެ.
98
ހިއުމަން ރައިޓްސް ރިޕޯޓް 2022