ХҮҮХДИЙН ЭРХИЙН ТУХАЙ КОНВЕНЦ олгохын зэрэгцээ төр, засгийн зүгээс хүүхдийн чиглэлээр авч хэрэгжүүлж буй үйл ажиллагааг сурталчлан таниулах зорилготой. Хүүхдэд зориулсан хөтөлбөрүүд ихэнх тохиолдолд 2 хэсэгт хуваагддаг. Хөтөлбөрүүдийн 40 орчим хувь нь хүүхдэд тохиолдож буй бэрхшээлийн талаар байдаг бол, 41 орчим хувь нь хүүхдийн уран зохиол, бусад мэдээлэлд зориулагдсан байдаг. 94. Хүүхдэд зориулсан номын хэвлэлийг Засгийн газар хариуцдаг ба хүүхдэд уран бүтээлээ зориулдаг зохиолчид энэ чиглэлд онцгой үүрэг гүйцэтгэдэг. Эдгээр үйл ажиллагааны үр дүнд бие даасан хүүхдийн хэвлэлийн газар, кино студи болон номын сан бий болсон.Түүнчлэн хүүхдэд зориулж уран бүтээл туурвидаг зохиолчид цөөнгүй байдаг. Монгол дахь хүүхдийн байгууллагууд эдгээр байгууллага болон хүмүүст боломжийн хэрээр тусламж дэмжлэг үзүүлдэг. Хүүхдэд зориулсан номыг тогтмол хэвлэх болон гадаадын уран зохиолыг орчуулж хэвлэх, тэдгээрийг сургалтын хөтөлбөрт оруулах талаар тодорхой үр дүн гарсан. Жил бүр “Хүүхдийн номын баяр” арга хэмжээг зохион байгуулж, энэ үеэр хэн хамгийн их ном уншсан бэ? эсвэл номын баатартай хэн хамгийн их адилхан бэ? зэрэг уралдааныг зохион байгуулдаг. 95. Монгол Улсад хүүхэд бүр хүссэн мэдээллээ хайх эрхтэй. Сүүлийн жилүүдэд хүүхдэд зориулсан мэдээллийн хэмжээ, агуулга, эх сурвалж ихэссэн. Энэ нөхцөл байдлаас хамаарч тодорхой урьдчилан сэргийлэх арга хэмжээ авах, ялангуяа садар самуун болон аймшгийн, хэрцгий кино, дүрс бичлэг зэрэг аюултай мэдээллээс хамгаалах хэрэгцээ шаардлага бий болоод байна. Кино бүтээх болон дүрс бичлэгийн клуб зэрэг бизнест хамаарах тусгай зааврыг 1993 онд баталсан. 96. Сүүлийн жилүүдэд сургууль завсардсан хүүхдүүдийн тоо ихсэж байна. Үүнээс хамаарч олон хүүхдүүд хэрэгтэй мэдээллээ авах боломжоор хязгаарлагдмал байна. Ялангуяа эдгээрт хөдөө орон нутаг дахь малчин өрхийн хүүхдүүд болон хот суурин дахь ядуу өрхийн хүүхдүүд хамаарч байна. Өнөөдрийн байдлаар сургууль завсардалтын тоо 106,000 хүрч, үүний үр дүнд эдгээр хүүхдүүд мэдээлэл хүлээн авах нь хязгаарлагдмал бөгөөд өөрсдийгөө илэрхийлэх боломж хомс байна. 97. Сөрөг хүчин зүйлүүд болон бэрхшээлүүд. а. Сүүлийн жилүүдэд хэвлэлийн цаасны хомсдол болон чадавх муу, түүнчлэн үнийн өсөлтөөс хамаарч хүүхдийн ном, хэвлэлийн тоо буурч байна. б. Санхүүгийн бэрхшээлтэй холбоотойгоор радио, телевизийн хөтөлбөрүүд хүүхдийн наснаас хамаарч ангилагдах боломжгүй болсон. в. Аймаг, хот, сумдуудын хүүхдийн олон номын сан хаагдаж, номын сангаар үйлчлүүлэх хүүхдийн тоо буурсан. 98. Авах арга хэмжээнүүд: а. Мэдээлэл хүлээн авах боломжгүй байгаа хүүхдүүдэд хүрч ажиллах арга хэмжээ авах; б. Хүүхдэд зориулсан ном, хэвлэл, сонины тоо, чанарыг дээшлүүлэх үүднээс Засгийн газрын зүгээс ном, хэвлэл нийтлэх ажилд дэмжлэг үзүүлэх арга хэмжээ авах; в. Хөдөө орон нутаг дахь хүүхдэд үзэл бодол, саналаа илэрхийлэх боломж олгох үүднээс шуудангийн үнийн хөнгөлөлт үзүүлэх; 27