2013, Nu. 12 Komesina o Sulufaiga (Ombudsman) 5 (c) o se faalapotopotoga a le Malo ua tusia i le faasologa i lalo o le Tulafono o Faalapotopotoga a le Malo (Faatinoga o Galuega ma le mafai ona tali atu) 2001. “Ofisa” o lona uiga o le Ofisa o le Komesina o Sulufaiga ua faaauauina i le fuaiupu 53; “tagata ofisa” mo se Matagaluega po o se faalapotopotoga, e aofia ai se tagata faigaluega, se sui auai o se komiti faatino, po o komiti po o so o se isi tagata ua galue e faatino se faaiuga tau pulega; “Komesina o Sulufaiga” o lona uiga o le tagata ua tofia i lalo o le fuaiupu 7 e avea o se Komesina o Sulufaiga (Ombudsman); “Fofoga Fetalai” o lona uiga o le Fofoga Fetalai o le Fono Aoao Faitulafono; “aufaigaluega” o lona uiga o Komesina Lagolago o Sulufaiga, tagata ofisa ma isi aufaigaluega o le Ofisa, ma e aofia ai isi tagata o lo o galulue e faia galuega tauave, tiute tauave ma malosiaga i lalo o lenei Tulafono. 3. Sini - O sini o lenei Tulafono o: (a) ia uunaia le tulaga manino, o le mafai ona tali atu ma le tulaga aloaia i le pulega ma le faia o faaiuga a Matagaluega ma faalapotopotoga; ma (b) ia uunaia ma puipuia le tulaga aloaia o tagata soifua o lo o puipuia i totonu o le Faavae, tulafono faava o malo o aia tatau a tagata soifua, e avea o se faavae o se atunuu e lē faaituau, fai meatonu ma filemu. 4. O se Tulafono e noatia ai le Malo - O lenei Tulafono ua noatia ai le Malo. VAEGA 2 KOMESINA O SULUFAIGA 5. Faaauauina ma le uiga tutoatasi faaletulafono - O le Komesina o Sulufaiga, sa faavaeina muamua i lalo o le Tulafono o le Komesina o Sulufaiga (Ombudsman) 1988 ua