2013, Nu. 12 Komesina o Sulufaiga (Ombudsman) 9 (6) Afai ua tuuina atu le mataupu o le aveesea o le Komesina o Sulufaiga i le komisi faamasino, e mafai e Le Ao o le Malo, i le faia i luga o le fautuaga a le Fono Aoao Faitulafono, ona faamalolo lē tumau le tagata mai le tofi, a o talia le faaiuga o le mataupu. (7) O le tuutuuga ma aiaiga mo le komisi faamasino o le a faatonuina e ala i tulafono faatonutonu po o le fuafuaina e le Fofoga Fetalai pe afai e leai ni tulafono faatonutonu ua faia. 16. Avanoa o le tofi e aunoa ma le faatuai-(1) E ese mai i le fuaiupu 15, o le a avanoa le tofi o le Komesina o Sulufaiga e aunoa ma le faatuai pe afai o le Komesina o Sulufaiga: (a) ua noatia i se poloaiga o le puipuiga faafomai i lalo o le Tulafono o le Tulaga Maloloina o le Mafaufau 2007; po o (b) ua uma ona faamasinoina i le gaumativa e se faamasinoga o se puleaga faa-faamasinoga e tatau ai; po o (c) ua tofia aloaia ai i lalo o le fuaiupu 48 o le Tulafono o Faiga Palota 1963; po o (d) ua faamaonia lona moliaga e se faamasinoga po o se komisi faamasino e tatau ai, i totonu o Samoa po o se isi atunuu, i so o se solitulafono e faapea (i) o se soligatulafono matuia; (ii) o le faaaogāina sese o tupe a le Malo; (iii) o se aiaiga o lenei Tulafono. (2) I totonu o lenei fuaiupu, “soligatulafono matuia” o lona uiga o se soligatulafono e faatonuina mai ai se sala tupe e lē itiiti ifo i le 20 iunite tau faasalaga po o le nofosala i le falepuipui i se taimi e lē itiiti ifo i le lua (2) tausaga. (3) O le aso e aloaia ai le avanoa o le tofi, o le aso o le poloaiga, faamasinoina po o ua faamaonia i se moliaga faaletulafono.