12 Komesina o Sulufaiga (Ombudsman) 2013, Nu. 12 (a) o se faaiuga tau pulega lea e faapea o lo o i ai i lalo o se tulafono, se aia tatau o talosaga po o le tetee, po o se aia tatau e talosaga ai mo se iloiloga, i luga o aogā eseese o le mataupu, i se faamasinoga po o so o se komisi faamasino ua faavaeina i lalo o se tulafono, tusa lava pe leai (i) le aia tatau o talosaga, tetee po o ua faatinoina se talosaga i le mataupu faapitoa; ma (ii) o so o se taimi, ua faatonuina mo le faatinoina o le aia tatau, ua faamutaina; (b) o se faaiuga, fautuaga, gaoioiga, po o se gaoioiga ua lē faia a se Tausi Mavaega e tusa ai ma le uiga o le Tulafono o Tausi Mavaega 1975; (c) o se faaiuga, fautuaga, gaoioiga po o se gaoioiga ua lē faia i so o se taualumaga ua faia (i) e le faufautua faaletulafono i le Komesina o Sulufaiga e tusa ai o tulafono faafoe o lea taimi ua uma ona faamaonia e le Malo mo le faafoeina o galuega faaletulafono a le Malo; po o (ii) e le loia mo le Malo. (2) Afai ua tulai mai se fesili pe o i ai i le Komesina o Sulufaiga le puleaga e suesueina ai se mataupu po o se vasega o mataupu i lalo o lenei Vaega, e mafai e le Komesina o Sulufaiga ona talosaga i le Faamasinoga Sili mo se faasilasilaga aloaia o poloaiga e faia ai se faaiuga o le fesili i lalo o le Tulafono o Faasilasilaga Aloaia o Faaiuga o Faamasinoga 1988. 22. Taualumaga aloaia o faasea-(1) E mafai ona faia o se faasea i le Komesina o Sulufaiga e le tagata lava ia, i se faiga tusitusia, e auala atu i le telefoni po o i so o se isi lava faiga tau fesootaiga. (2) E ese mai ai i so o se isi lava tulafono o se tusi ua tusia ma faatuatusi atu i le Komesina o Sulufaiga e: (a) se tagata o lo o taofia i luga o se moliaga po o ina ua uma ona faamaonia lona moliaga faaletulafono i se soligatulafono; po o