2013, Nu. 12 Komesina o Sulufaiga (Ombudsman) 35 (i) e aiaia ai mo se tagata o se faiga e foia ai po o se aia tatau o talosaga po o le tetee; po o (ii) e aiaia ai se taualumaga mo le iloiloga i po o se suesuega o se mataupu; ma (b) e lē faatapulaaina ai pe aafia ai le faiga e foia ai, aia tatau mo talosaga, tetee po o taualumaga. 67. Tulafono Faatonutonu-(1) E mafai e Le Ao o le Malo, i le faia i luga o le fautuaga a le Kapeneta, ona faia o tulafono faatonutonu ina ia aloaia ai o po o mo faamoemoega o lenei Tulafono, ma aemaise ai le teuteuina o le Faamatalaga 1 po o le 2. (2) O Tulafono Faatonutonu e ao ona faataatia i luma o le Fono Aoao Faitulafono. 68. Soloia, faasaoina ma soloaiga-(1) Ua soloia le Tulafono o le Komesina o Sulufaiga (Ombudsman) 1988. (2) I le amataga o lenei Tulafono: (a) e faaauau pea le Komesina o Sulufaiga o i ai nei i le tofi i lalo o lenei Tulafono mo se vaitaimi e ono (6) tausaga mai le amataga o lenei Tulafono seia vagana ai ua ia faamavae pe ua aveesea mai le tofi, e tusa ai o lenei Tulafono, a o lumanai le faamutaina o le ono (6) tausaga; (b) e faaauau pea le aufaigaluega o i ai nei a le Komesina o Sulufaiga e faapei ai sa tofia i lalo o lenei Tulafono e avea o le aufaigaluega o le Ofisa, i le noatia ma le fai fuafua i tuutuuga o i ai nei o a latou galuega; (c) so o se faaseā po o se suesuega o talia, e faaauau pea, e faapei ai sa faia i lalo o lenei Tulafono; (d) so o se meatotino a le Malo i lalo o le vaaiga po o le umiaina e le Komesina o Sulufaiga, e faaauau pea ona i ai i lalo o le vaaiga po o le umiaina e le Komesina o Sulufaiga, i le noatia ma le fai fuafua i so o se maliega i le va o le Malo ma le Komesina o Sulufaiga, e uiga i le pule e umia ai ma le faaliliuina atu o le meatotino.