32 Komesina o Sulufaiga (Ombudsman) 2013, Nu. 12 VAEGA 8 SOLIGATULAFONO 58. Soligatulafono o le faalavelaveina, lē usitaia, faamatalaga sese, ma isi tulaga faapena-(1) Ua faia e se tagata o se soligatulafono o ia lea: (a) e aunoa ma se faamaoniga faaletulafono po o se faamagaloga, ua faia ma le mautinoa se tulaga e faalavelaveina ai, tau punipuni, tau faafefe, tau faamatau, aiaina o pe tetee atu i le Komesina o Sulufaiga, aufaigaluega po o so o se isi lava tagata, a o faatino o se galuega tauave, tiute po o malosiaga i lalo o lenei Tulafono; po o (b) e aunoa ma se faamaoniga faaletulafono po o se faamagaloga, ua teena po o ua lē mafai ona usitaia ma le mautinoa o so o se manaoga faaletulafono a le Komesina o Sulufaiga po o so o se isi lava tagata i lalo o lenei Tulafono; po o (c) ua faia ma le mautinoa o so o se faamatalaga sese i po o e tau faasese po o taumafai e faaseseina le Komesina o Sulufaiga po o so o se isi lava tagata i le faatinoga o malosiaga, tiute po o galuega tauave a le Komesina o Sulufaiga i lalo o lenei Tulafono. (2) O se tagata ua faamaonia se moliaga faaletulafono i lalo o le faafuaiupu (1) e noatia: (a) i se sala tupe e lē silia le 200 iunite tau faasalaga po o le nofosala i le falepuipui mo se vaitaimi e lē silia le ono (6) masina, mo se tagata e toatasi; (b) i se sala tupe e lē silia le 500 iunite tau faasalaga, mo se faalapotopotoga ua tuufaatasia faaletulafono. 59. Soligatulafono o le lē mafai ona auai, po o ua lē mafai ona tuuina atu pepa aloaia - Ua faia e se tagata o se soligatulafono o ia lea, i le tuanai ai ona samania, ua ia lē mafai, e aunoa ma se mafuaaga talafeagai, ona auai pe ia tuuina atu so o se pepa aloaia, tusi po o faamatalaga o lo o i le vaaiga po o le faafoega a le tagata, i luma o le Komesina o Sulufaiga, ma e noatia i luga o se moliaga ua faamaonia faaletulafono: