2013, Nu. 12 Komesina o Sulufaiga (Ombudsman) 31 (2) Afai e leai ni taiala e tuuina atu i lalo o le faafuaiupu (1), e tatau i le Komesina o Sulufaiga ona faaaogā taualumaga o le faafaigaluegaina i totonu o Galuega a le Malo. Vaevaega 2 - Faaputugatupe ma lipoti faaletausaga 56. Faaputugatupe-(1) O faaputugatupe a le Komesina o Sulufaiga e aofia ai mea nei: (a) tupe ua faatatauina e le Palemene mo le faamoemoe o lenei Tulafono; ma (b) so o se tupe e maua i lalo o le faafuaiupu (3). (2) E tatau i le Palemene ona faamautinoa e faapea ia lava atoatoa tupe a le Komesina o Sulufaiga mo faamoemoega o lenei Tulafono. (3) E mafai e le Komesina o Sulufaiga ona saili ma maua ni tupe faaopoopo mai so o se tagata po o se faalapotopotoga i totonu o Samoa po o se isi nofoaga, e aunoa ma le fetuunaiga o manatu feteenai i le tulaga tutoatasi o le Komesina o Sulufaiga po o sini ua faatulagaina i totonu o le fuaiupu 3. (4) O le Komesina o Sulufaiga ua na o ia e i ai le matafaioi o le faasoasoaina o ana tupe. (5) O le Tulafono o le Pulega o Tupe a le Malo 2001 ma le Tulafono o le Ofisa Sue Tusi 1961 e faaaogā i tupe a le Komesina o Sulufaiga. 57. Lipoti faaletausaga-(1) E aunoa ma le aafia o isi aiaiga tau lipoti i totonu o lenei Tulafono, e tatau i le Komesina o Sulufaiga, i tausaga taitasi, ona saunia o se lipoti faaletausaga e faatulagaina ai gaoioiga ma mataupu tau tupe a le Komesina o Sulufaiga mo le tausaga o lumanai. (2) E tatau i le Komesina o Sulufaiga ona auina atu le lipoti faaletausaga i le Fofoga Fetalai mo le faataatiaina i le laulau-afono a le Palemene i lalo o ana Tulafono Tumau.