28 Komesina o Sulufaiga (Ombudsman) 2013, Nu. 12 (iii) mo le Vaega 4 po o le 5, e mafai e ala i se faasilasilaga tusitusia i le Komesina o Sulufaiga, ona lē aofia ai le faaaogāina o le fuaiupu 48 i so o se nofoaga ma fale ua faamaotiina. (2) O le faafuaiupu (1)(a) e faaaogā i le na o le faaparakalafa (ii) po o le (iii). (3) E tatau i le Loia Sili ona auina atu le tusi faamaonia (e aofia ai mafuaaga mo le tusi faamaonia) i le Fofoga Fetalai mo le faataatia i le laulau-a-fono a le Palemene. 50. Tulaga agatapuia o faamatalaga-(1) E tatau i le Komesina o Sulufaiga ma le aufaigaluega ona tausia tulaga faalilolilo o mataupu e oo mai i lo latou silafia i lalo o lenei Tulafono. (2) E tatau i se tagata faigaluega, a o le i amata ona galue, ona faia i luma o le Komesina o Sulufaiga le tautoga faalilolilo ua faatulaga mai i totonu o le Vaega 2 o le Faamatalaga 2. (3) Vagana o se tuusaunoaga i faafuaiupu (1) ma le (2) ma le noatia ma le fai fuafua i le fuaiupu 49, e mafai e le Komesina o Sulufaiga ona faailoa i totonu o sana lipoti e faia i lalo o lenei Tulafono, o so o se mataupu e pei ona i ai le manatu o le Komesina o Sulufaiga e ao ona faailoa atu, ina ia mafai ai ona faamautuina o mafuaaga mo le faaiuga ma fautuaga a le Komesina o Sulufaiga. 51. Faatonuga ina ia lē faailoaina atu faamatalaga-(1) E mafai e le Komesina o Sulufaiga, ona faatonuina o itu nei ina ia lē lomia faasalalau pe faailoa atu i se isi lava tagata: (a) le igoa ma faamatalaga e iloagofie ai le tagata o lo o tulai i luma o le Komesina o Sulufaiga; (b) so o se faamatalaga molimau e tuuina atu i le Komesina o Sulufaiga; (c) o se pepa aloaia po o se mea ua tuuina atu i le Komesina o Sulufaiga. (2) O se tagata o ia lea ua na solia o se faatonuga ua tuuina atu i lalo o le faafuaiupu (1), ua faia o se soligatulafono ma e noatia i luga o se moliaga ua faamaonia faaletulafono, i se sala tupe e lē silia le 50 iunite tau faasalaga.