2013, Nu. 12 Komesina o Sulufaiga (Ombudsman) 27 (b) ulufale i so o se nofoaga ma fale faitele o le atunuu po o i le i ai o le maliega a le tagata o nofoia, ona ulufale i so o se nofoaga ma fale tumaoti, mo faamoemoega o se suesuega i lalo o le Vaega 4 po o le 5. (2) A o le i ulufale ai i nofoaga ma fale i lalo o le faafuaiupu (1)(a), e tatau i le Komesina o Sulufaiga ona faailoa i le ofisa sili o pulega o le Matagaluega po o le faalapotopotoga lea o lo o i ai nofoaga ma fale o nofoia. (3) Afai e lē tuuina mai o se maliega i lalo o le faafuaiupu (1)(b) po o i le manatu o le Komesina o Sulufaiga o le a lē tuuina mai o se maliega, e mafai e le Komesina o Sulufaiga ona talosaga i se faamasino o le Faamasinoga Faaitumalo mo se tusi faapoloaiga e ulufale ai i nofoaga ma fale. 49. Mataupu e manuia ai le atunuu-(1) Afai e faamaonia e le Loia Sili e faapea o le faatinoga o malosiaga i lalo o le fuaiupu 43 po o le 48: (a) o le a ono faamanuiaina ai le puipuigamalu po o le saogalemu o Samoa (e aofia ai le va o Samoa ma le Malo o se isi atunuu po o ma se faalapotopotoga faava o malo) po o le suesueina po o le mauaina o soligatulafono; po o (b) o le a ono aafia ai le faailoaina atu o felafolafoaiga a le Kapeneta; po o (c) o le a ono aafia ai le faailoaina atu o taualumaga a le Kapeneta, po o so o se komiti a le Kapeneta, i so o se mataupu e faalilolilo pe agatapuia lona uiga, o le Loia Sili (i) e lē tatau ona manaomia le faamatalaga po o se tali e tuuina atu po o le pepa aloaia po o se mea o le a tuuina atu mo faamoemoega o le Vaega 3, 4 po o le 5; po o (ii) mo le Vaega 3, e ono mafai e ala i se faasilasilaga tusitusia i le Komesina o Sulufaiga, ona lē aofia ai le faaaogāina o le fuaiupu 48 i so o se nofoaga ma fale ua faamaotiina po o se vasega o nofoaga ma fale;