2013, Nu. 12 Komesina o Sulufaiga (Ombudsman) 23 (3) E ao i le komiti faa-palemene ona: (a) poloaiina le Minisita, tagata faigaluega a le Malo po o se isi tagata ua aafia ai i le lipoti ina ia oo atu i luma o le komiti e tali atu i so o se mataupu o i totonu o le lipoti; ma (b) saunia ma faasee atu lana lipoti ma fautuaga i le Fono Aoao Faitulafono ina ia felafolafoai ai i le lipoti ma le tulaga o aia tatau a tagata soifua i Samoa. VAEGA 5 VAEGA O SUESUEGA FAAPITOA 41. Faavaeina ma galuega tauave-(1) E mafai e le Komesina o Sulufaiga ona faavaeina i totonu o le Ofisa se vaega o suesuega faapitoa mo faamoemoega o le: (a) taliaina, suesueina ma fuafuaina so o se faasea e uiga i se leoleo, leoleo o le falepuipui po o se tagata ofisa o se isi vaega ua faatonuina e puipuia amioga tatau; ma (b) faia so o se isi galuega tauave, tiute po o malosiaga i lalo o so o se isi Tulafono po o e pei ona faatonuina ai e tulafono faatonutonu. (2) O galuega tauave, tiute ma malosiaga o le vaega o suesuega faapitoa, ua faatonuina i tulafono faatonutonu. (3) O le vaega faapitoa: (a) e ao ona lē suesueina so o se mataupu lea ua suesueina po o ua faia i ai se suesuega a Leoleo, Falepuipui po o se vaega ua faatonuina e puipuia amioga tatau i lalo o a latou Tulafono taitasi; po o (b) e ese mai ai i le parakalafa (a) e mafai ona suesueina le mataupu pe afai ua i ai mafuaaga e talitonuina ai e le Komesina o Sulufaiga e faapea (i) o lo o i ai se faiga faatautala i le taualumaga a Leoleo, Falepuipui po o se vaega ua faatonuina e puipuia amioga tatau; po o