2013, Nu. 12 Komesina o Sulufaiga (Ombudsman) 21 (b) o se fautuaga ina ia faatinoina e se tagata ni gaoioiga talafeagai e foia ai le solia o aia tatau a tagata soifua; ma (c) o se fautuaga e faapea o tagata ua afaina ona o le solitulafono ua agavaa i se taui mo so o se mea ua leiloa po ua faaleagaina ua mafatia ai; (d) o le fautuaga mo gaoioiga i so o se tagata ma manaomia ai le tagata ina ia lipoti atu i le Komesina o Sulufaiga laasaga ua faia e lea tagata ina ia aloaia ai fautuaga. (2) E tatau i le Komesina o Sulufaiga ona: (a) faasalalauina faalauaitele le lipoti, sailiiliga ma fautuaga; ma (b) tuuina atu i le Palemene se ata o le lipoti, sailiiliga ma fautuaga; (3) E tatau i le Fofoga Fetalai ona tuuina atu le lipoti ina ia faataatia i le laulau-a-fono o le Palemene e tusa ai ma ana Tulafono Tumau. 37. Iloiloga faa-palemene-(1) E ao i le komiti faa-palemene ona iloiloina le lipoti ua tuuina atu i ai e tusa ai o le fuaiupu 36(3) i lalo o Tulafono Tumau ma e mafai ona ia talosaga i le Malo po o isi tagata ina ia faia ni tali aloaia i le lipoti. (2) E ao i le komiti faa-palemene ona faataatia i luga o le laulau-a-fono lana lipoti, o lo o aofia ai tali aloaia, i le Palemene mo se felafolafoaiga i lana tauaofiaga o lo o usuia nei po o e sosoo mai ai e tusa ai o Tulafono Tumau. Vaevaega 3 - Isi mataupu 38. Faasea-(1) E mafai e le Komesina o Sulufaiga ona talia ni faasea tuufofoga pe tusitusia e uiga i le solia o aia tatau a tagata soifua. (2) E lē mafai e le Komesina o Sulufaiga ona suesueina so o se faasea a tagata taitoatasi e faasino i le solia o aia tatau a tagata soifua peitai e mafai i faasea ona fausia ai le faavae o le faia o se suesuega i lalo o le Vaevaega 2.