2013, Nu. 12 Komesina o Sulufaiga (Ombudsman) 19 (i) o le faia o ni fautuaga e tusa ai o le manaomia o le avea ai o Samoa ma se atunuu auai i se tautinoga faaletulafono faava o malo o aia tatau a tagata soifua; (ii) iloiloina o tulafono o lo o i ai ma fuafuaina po o le iloiloina o isi tulafono ina ia ogatasi ai ma tulafono faava o malo o aia tatau a tagata soifua ma fautuaina ai ni tulafono faaopoopo ma isi faiga e puipuia ai aia tatau a tagata soifua; (iii) fautuaina le Malo i ana noataga i lipoti i lalo o tautinoga faaletulafono faava o malo o aia tatau a tagata soifua ma i luga o mataupu o lo o aofia ai i nei lipoti; (iv) tuuina atu faamatalaga i faiga faava o malo o aia tatau a tagata soifua e aofia ai le Fono o Aia Tatau a Tagata Soifua ma ana faiga ma faalapotopotoga o lo o mataituina feagaiga o aia tatau a tagata soifua; (d) i le faamaoniga a se faamasinoga, ina ia auai i taualumaga faale-faamasinoga e avea o se faufautua a le faamasinoga po o se vaega auai pe afai o lo o tulai mai ai ni mataupu i aia tatau a tagata soifua; po o (e) ia asiasi atu i nofoaga lautele uma ma, i le noatia i le fuaiupu 48, o nofoaga tumaoti o lo o taofia ai po o faasalaina ai i le lotomalie po o e aunoa ma le lotomalie; (f) ia faatalatalanoa, galulue faatasi ma fesoasoani i faalapotopotoga o sosaiete talafeagai tau le va o tagata, e aofia ai faalapotopotoga tau pisinisi ma leipa, faalapotopotoga faaleatunuu moni ma vaega toaitiiti, faalapotopotoga o aoaoga tau tomai, e manatu le Komesina o Sulufaiga ua talafeagai ai;