2013, Nu. 12 Komesina o Sulufaiga (Ombudsman) 15 26. Tuuina atu o mataupu i pulega talafeagai - Afai, a o faagasolo po o i le maea ai o se suesuega, ua i ai i le manatu o le Komesina o Sulufaiga e faapea o lo o i ai se faamatalaga molimau o le solia o se tiute tauave po o se amioga sese ua faia e se tagata ofisa o se Matagaluega po o se faalapotopotoga, e ao i le Komesina o Sulufaiga ona tuuina atu le mataupu i le pulega talafeagai. 27. Isi taualumaga - I le noatia ma le fai fuafua i lenei Tulafono, e mafai e le Komesina ona faatonutonu isi taualumaga i lalo o lenei Vaega. Vaevaega 2 - Faaiuga o suesuega ma puipuiga mausali 28. Taualumaga ina ua maea suesuega-(1) Ua faaaogāina lenei fuaiupu i ni mataupu e faapea: (a) o se mataupu pe afai, ina ua maea se suesuega, ua i ai i le manatu o le Komesina o Sulufaiga e faapea, o le faaiuga tau pulega lea sa avea ma mataupu autu o le suesuega (i) e foliga mai e feteenai ma le tulafono; po o (ii) ua lē talafeagai, lē sao, faatupu vevesi, po o le faailoga tagata, po o sa faia e tusa ai ma le pule a le tulafono po o se aiaiga o so o se tulafono po o se faiga masani e faapea ua po o e mafai ona lē talafeagai, lē sao, faatupu vevesi, po o e faailoga tagata; po o (iii) ua faavaeina atoatoa po o i se vaega i luga o se mea sese o le tulafono po o se faamatalaga moni; po o (iv) ua sese ona faia; (b) o se mataupu e faapea ua i ai i le Komesina o Sulufaiga le manatu e faapea (i) i le faia o se faaiuga tau pulega i lalo o se tulafono, ua faatino se pule faitalia toatasi mo se faamoemoega lē talafeagai po o luga