14 Komesina o Sulufaiga (Ombudsman) 2013, Nu. 12 (3) Afai ua filifili le Komesina o Sulufaiga e lē suesueina po o e lē toe suesueina se faasea, e ao i le Komesina o Sulufaiga ona logoina lē ua faasea e tusa o le faaiuga (ma e mafai ona ia taua mafuaaga o le faaiuga). 24 Taualumaga-(1) E ao i le Komesina o Sulufaiga, a o lumanai ai le suesueina o se mataupu, ona logoina le ofisa sili o pulega o le Matagaluega po o le faalapotopotoga o lo o aafia, e uiga i le faamoemoe o le Komesina o Sulufaiga ina ia faia le suesuega. (2) E mafai e le Komesina o Sulufaiga ona: (a) fofogaina po o le mauaina mai o faamatalaga mai se tagata; ma (b) faia ni suesuega. (3) O le Komesina o Sulufaiga: (a) e faafoeina le suesuega i se auala e lē faalauaiteleina; ma (b) e lē manaomia ona ia fofogaina se mataupu o faasea. 25. Aia tatau e fofogaina ai ma feutagaiga-(1) E lē agavaa se tagata e tusa ai o se aia tatau ina ia fofogaina e le Komesina o Sulufaiga. (2) Afai a o faagasolo se suesuega, e foliga mai i le Komesina o Sulufaiga e faapea e mafai ona i ai ni mafuaaga talafeagai mo le Komesina o Sulufaiga e faia ai se lipoti po o se fautuaga lea e mafai ona aafia ai i se itu lē lelei se Matagaluega, faalapotopotoga po o se tagata, e ao i le Komesina o Sulufaiga ona tuuina atu i le Matagaluega, faalapotopotoga po o se tagata se avanoa ina ia fofogaina ai. (3) E mafai e le Komesina o Sulufaiga, a o faagasolo po o ina ua tuanai ai se suesuega, ona faatalanoaina le Minisita e feagai tonu ma le mataupu ua suesueina. (4) Ina ua talosagaina e le Minisita e feagai ma so o se mataupu ua suesueina po o pe afai o se suesuega e faasino i so o se fautuaga ua faia e se Minisita, e ao i le Komesina o Sulufaiga ina ua maea ona faia le suesuega, ona faatalanoaina le Minisita a o le i faia se manatu mulimuli e uiga i se mataupu ua faasinomia i le fuaiupu 28(1) po o le (2).